രജനികാന്ത്- ഐശ്വര്യ റായ് ഒന്നിച്ച ശങ്കര്‍ ചിത്രം “എന്തിരന്‍” സൂപ്പര്‍ ഹിറ്റായിരുന്നു. 2010-ല്‍ പുറത്തെത്തിയ ചിത്രം ബോക്‌സോഫീസിലും ഏറ്റവും മികച്ച കളക്ഷനാണ് നേടിയത്. എന്നാല്‍ ചിത്രത്തിനായി ആദ്യം തിരഞ്ഞെടുത്തത് കമല്‍ഹാസനെയും പ്രീതി സിന്റയെയും ആയിരുന്നു.
2000-ല്‍ നടത്തിയ ഫോട്ടോഷൂട്ട് ചിത്രങ്ങള്‍ സോഷ്യല്‍ മീഡിയയില്‍ നേരത്തെ വൈറലായിരുന്നു. എന്നാല്‍ ചില കാരണങ്ങളാല്‍ ആ സിനിമ നടന്നില്ല. പിന്നീടാണ് രജനികാന്തിനെയും ഐശ്വര്യ റായിയെയും കേന്ദ്ര കഥാപാത്രങ്ങളാക്കിയത്.
2010-ല്‍ ഏറ്റവും കൂടുതല്‍ കളക്ഷന്‍ നേടിയ ഇന്ത്യന്‍ ചലച്ചിത്രമായിരുന്നു എന്തിരന്‍. രണ്ട് ദേശീയ ചലച്ചിത്ര പുരസ്‌കാരങ്ങളും, മൂന്ന് ഫിലിംഫെയര്‍ പുരസ്‌കാരങ്ങളും, ഏഴ് വിജയ് പുരസ്‌കാരങ്ങളും രണ്ട് സ്‌ക്രീന്‍ അവാര്‍ഡുകളും ഈ ചിത്രത്തിന് ലഭിച്ചു. ചിത്രത്തിന്റെ രണ്ടാം ഭാഗം 2.0 2018-ല്‍ പുറത്തിറങ്ങി.
