മോ‌ളിവുഡിൽ ഓസ്കാർ അവാർഡ് ഉണ്ടായിരുന്നങ്കിൽ മമ്മൂട്ടിക്ക് ലഭിക്കുമായിരുന്നെന്ന് റസൂൽ പൂക്കുട്ടി. തനിയാവർത്തനത്തിലെ മമ്മൂട്ടിയുടെ അഭിനയം അത്ര മനോഹരമായിരുന്നെന്ന് ജിഞ്ചർ മീഡിയയ്ക്ക് നൽകിയ അഭിമുഖത്തിൽ അദ്ദേഹം പറഞ്ഞു. ഓസ്കാർ അവാർഡ് മോ‌ളിവുഡിൽ ഉണ്ടായിരുന്നെങ്കിൽ നിരവധി പേർക്ക് ലഭിച്ചേനെ.
തനിയാവർത്തനത്തിലെ മമ്മൂട്ടി, തൻമാത്രയിലെ മോഹൻലാൽ, ട്രൻസിലെ ഫഹദ് അങ്ങനെ നിരവധി പേരുണ്ടന്നും അദ്ദേഹം പറഞ്ഞു. റസൂൽ പൂക്കുട്ടി ഓസ്കാർ അവർഡ് നൽകുകയാണങ്കിൽ കൃത്യനിഷ്ഠയ്ക്കും, സമയനിഷ്ഠയ്ക്കും ആർക്കാണ് അവാർഡ് നൽകുന്നതെന്ന അവതാരകന്റെ ചോദ്യത്തിന് അമിതാഭ് ബച്ചൻ എന്നായിരുന്നു അദ്ദേഹത്തിന്റെ മറുപടി.
കഴിഞ്ഞ അറുപത് വർഷങ്ങളായി അദ്ദേഹം അത് കൃത്യമായി പാലിക്കുന്നുണ്ട്. ഗായകരിൽ നൽകുകയാണെങ്കിൽ യേശുദാസ്, എസ്. പി ബാലസുബ്രമണ്യം, മുഹമ്മദ് റാഫി തുടങ്ങിയവരെയായിരുന്നു അദ്ദേഹം പറഞ്ഞത്.
ഏറ്റവും നല്ല ഡ്രെെവറാരാണ് അങ്ങനെ ഒരു അവാർഡ് കൊടുക്കുകയാണങ്കിൽ ആർക്കു കൊടുക്കും എന്ന ചോദ്യത്തിന് തന്റെ ഭാര്യക്ക് നൽകുമെന്നായിരുന്നു അദ്ദേഹത്തിന്റെ മറുപടി. മുബെെയിൽ എവിടെ പോകണമെങ്കിലും തന്നെ കെണ്ടുവിടുമെന്നും അദ്ദേഹം പറഞ്ഞു.