വിവാദചലച്ചിത്രം ന്യൂഡിന് പ്രദര്‍ശനാനുമതി നല്‍കാന്‍ തയ്യാറായി സെന്‍സര്‍ ബോര്‍ഡ്. മറാത്തി ചിത്രത്തിന്റെ സംവിധായകന്‍ രവി ജാദവ് തന്നെയാണ് ഇക്കാര്യം ഫെയ്‌സ്ബുക്കിലൂടെ അറിയിച്ചത്. ചിത്രത്തിന് ഒരു കട്ടു പോലും ഇല്ലാതെ എ സര്‍ട്ടിഫിക്കറ്റ് അനുവദിച്ചു. സിബിഎഫ്‌സിയുടെ വിദ്യാബാലന്‍ അദ്ധ്യക്ഷയായ പ്രത്യേക ജൂറിയാണ് അനുമതി നല്‍കാന്‍ തീരുമാനിച്ചത്.
ജൂറിയ്ക്ക് മുമ്പാകെ സിനിമ പ്രദര്‍ശിപ്പിച്ചതിനു ശേഷം ജൂറി ഒന്നടങ്കം എഴുന്നേറ്റ് നിന്ന് സിനിമയില്‍ പ്രവര്‍ത്തിച്ചവരെ അനുമോദിച്ചതായി രവി ജാദവ് പറഞ്ഞു. ചിത്രകലാവിദ്യാര്‍ത്ഥികളുടെ മുന്നില്‍ നഗ്നമോഡലായി ഇരിയ്‌ക്കേണ്ടി വരുന്ന ഒരു സ്ത്രീയുടെ ജീവിതമാണ് സിനിമയുടെ ഇതിവൃത്തം.
Read more
ചിത്രത്തിലെ രംഗങ്ങളുടെ പേരില്‍ മുന്‍പ് തന്നെ ന്യൂഡിന് പ്രദര്‍ശനാനുമതി നിഷേധിച്ചിരുന്നു. ഗോവ രാജ്യാന്തര ചലച്ചിത്രമേളയിലും കേരള രാജ്യാന്തര ചലച്ചിത്രോത്സവത്തിലും തെരഞ്ഞെടുക്കപ്പെട്ടെങ്കിലും സെന്‍സര്‍ അനുമതി ലഭിക്കാത്തതിനാല്‍ പ്രദര്‍ശനം വൈകുകയായിരുന്നു. ഛയാ ഭട്കര്‍, കല്ല്യാണി മൂലേ, ഓം ഭട്കര്‍ എന്നിവരാണ് ചിത്രത്തില്‍ പ്രധാനവേഷങ്ങളിലെത്തുന്നത്.
