നടിയും അവതാരകയുമായ മൃദുല മുരളിയുടെ വിവാഹത്തിനെത്തിയ കൂട്ടുകാരികളുടെ ഡാന്‍സ് സോഷ്യല്‍ മീഡിയയില്‍ ശ്രദ്ധേയമാകുന്നു. നടി രമ്യ നമ്പീശന്‍, ഗായിക സയനോര എന്നിവരാണ് താരത്തിന്റെ വിവാഹത്തില്‍ പങ്കെടുത്തത്. മൃദുലയ്ക്കും ഭര്‍ത്താവ് നിതിനുമൊപ്പം നൃത്തം ചെയ്യുന്ന വീഡിയോയാണ് പുറത്തെത്തിയിരിക്കുന്നത്.
വിവാഹവേദിയില്‍ നിന്നുള്ള ചിത്രങ്ങളും വീഡിയോകളും ആരാധകര്‍ ഏറ്റെടുത്തിരിക്കുകയാണ്. അവതാരകയായി തിളങ്ങിയ താരം മോഹന്‍ലാല്‍ ചിത്രം റെഡ് ചില്ലീസിലൂടെയാണ് സിനിമാരംഗത്തേക്ക് എത്തിയത്.
എല്‍സമ്മ എന്ന ആണ്‍കുട്ടി, 10:30 എഎം ലോക്കല്‍ കോള്‍, ശിഖാമണി, അയാള്‍ ഞാനല്ല തുടങ്ങിയ മലയാളം സിനിമകളിലും മൃദുല വേഷമിട്ടിട്ടുണ്ട്. നാഗരാജ ചോളന്‍ എംഎ എംഎല്‍എ, മണിയാര്‍ കുടുംബം എന്നീ തമിഴ് ചിത്രങ്ങളിലും രാഗ്ദേശ് എന്ന ഹിന്ദി ചിത്രത്തിലും താരം അഭിനയിച്ചിട്ടുണ്ട്.
പരസ്യ മേഖലയില്‍ പ്രവര്‍ത്തിക്കുന്ന ആളാണ് നിതിന്‍. കോവിഡ് മാനദണ്ഡങ്ങള്‍ അനുസരിച്ച് നടന്ന വിവാഹ ചടങ്ങില്‍ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്. കഴിഞ്ഞ ഡിസംബറിലായിരുന്നു മൃദുലയുടെ വിവാഹ നിശ്ചയം നടന്നത്.