മാധ്യമപ്രവര്‍ത്തകന്‍ പ്രജേഷ് സെന്‍ സംവിധാനം ചെയ്യുന്ന ക്യാപ്റ്റന്‍ സിനിമയില്‍ മുന്‍ ഇന്ത്യന്‍ ഫുട്‌ബോള്‍ താരം വി പി സത്യനായാണ് ജയസൂര്യ വേഷമിടുന്നത്. ചിത്രത്തില്‍ ജയസൂര്യയുടെ കോച്ചിന്റെ വേഷം അവതരിപ്പിക്കുന്നത് രണ്‍ജി പണിക്കരാണ്. ഇപ്പോഴിതാ രണ്‍ജി പണിക്കരുടെ കിടിലന്‍ ക്യാരക്ടര്‍ ടീസര്‍ പുറത്തു വിട്ടിരിയ്ക്കുകയാണ് സിനിമയുടെ അണിയറപ്രവര്‍ത്തകര്‍.
ഇതാദ്യമായിട്ടാണ് ജയസൂര്യ ഒരു ബയോപിക് ചിത്രത്തില്‍ വേഷമിടുന്നത്. വിപി സത്യനെന്ന ക്യാപ്റ്റനായി മാറുന്നതിന് മുന്‍പ് ജയസൂര്യ ശാരീരികമായും മാനസികമായും വളരെയധികം തയ്യറെടുപ്പുകള്‍ നടത്തിയിരുന്നു. കഠിനമായ കായിക പരിശീലനങ്ങളാണ് താരം ഇതിനായി നടത്തിയത്. ചിത്രത്തില്‍ വിപി സത്യന്റെ ഭാര്യയുടെ വേഷം അവതരിപ്പിക്കുന്നത് അനു സിതാരയാണ്. ഗുഡ് വില്‍ എന്റര്‍ടെയിന്‍മെന്റാണ് ചിത്രം നിര്‍മ്മിക്കുന്നത്.