പുതിയ ചിത്രം മിഷന്‍ സി എന്ന സിനിമയുടെ പോസ്റ്ററിലെ ഗെറ്റപ്പുമായി ബന്ധപ്പെട്ട് നടന്‍ കൈലാസിനെതിരെ ഉയര്‍ന്നുവന്ന ട്രോളുകള്‍ സോഷ്യല്‍ മീഡിയയില്‍ വലിയ ചര്‍ച്ചയായി മാറിയിരുന്നു. ഈ വിഷയത്തില്‍ കൈലാഷിന് പിന്തുണയുമായി ചിത്രത്തിന്റെ സംവിധായകനും ചിത്രത്തിലെ നായകനും ഒടിയന്‍ സിനിമയുടെ സംവിധായകന്‍ വിഎ ശ്രീകുമാറുമൊക്കെ രംഗത്തെത്തിയിരുന്നു. ഇപ്പോഴിതാ കൈലാഷിന് പിന്തുണയറിയിച്ച് രംഗത്തെത്തിയിരിക്കുകയാണ് ആക്ടിവിസ്റ്റ് രശ്മി നായര്‍.
ഫെയ്സ്ബുക്ക് പോസ്റ്റിന്റെ പൂര്‍ണരൂപം ഇങ്ങനെയാണ്. “മലയാള സിനിമാ നടന്‍ കൈലാഷ് ഒരു ഗംഭീര നടനാണ് എന്നൊന്നും എനിക്കഭിപ്രായമില്ല പക്ഷെ അയാള്‍ ഏതെങ്കിലും തന്ത നടന്റെ മോന്‍ നടനായി ജനിച്ചു എന്നതു കൊണ്ട് പ്രിവിലേജ് മൂത്തു പഴുത്തു നടനായ ആളല്ല. സാധാരണ ചുറ്റുപാടില്‍ നിന്നും സ്വന്തം കഴിവുകള്‍ മാത്രം കൈമുതലായി കൊണ്ട് വന്നു പത്തു പന്ത്രണ്ടു കൊല്ലമായി സിനിമയുടെ അരികുപറ്റി ജീവിക്കുന്ന ഒരു മനുഷ്യനാണ്.”
“അയാളുടെ അഭിനയത്തെ വിമര്‍ശിക്കാം സിനിമകളെ വിമര്‍ശിക്കാം അരിച്ചാക്കില്‍ പട്ടാള യൂണിഫോമിട്ടു കമാന്‍ഡോ ഓപ്പറേഷന്‍ നടത്തുന്നതൊക്കെ ഹീറോയിസമായി കണ്ടു കൈയടിക്കുന്ന മലയാള സിനിമാ പ്രേക്ഷകര്‍ക്ക് കൈലാഷ് ഒരു ഹീറോ പരിവേഷമുള്ള കമാന്‍ഡോ നായകവേഷം ചെയ്യുന്നു എന്നത് പോസ്റ്ററില്‍ തന്നെ പരിഹാസമാകുന്നത് ക്രൂരത മാത്രമല്ല പ്രിവിലേജ് ഇല്ലാത്തവനോടുള്ള വിവേചനം കൂടിയാണ്.”