റിമ കല്ലിങ്കലിനെ നായികയാക്കി സജിന്‍ ബാബു സംവിധാവം ചെയ്യുന്ന ചിത്രമാണ് ‘തിയറ്റര്‍’. ചിത്രത്തിലെ റിമയുടെ കഥാപാത്രത്തിന്റെ പ്രകടനം പ്രേക്ഷകരെ ഞെട്ടിക്കുമെന്നാണ് സ്റ്റണ്ട്, ആക്ഷന്‍ കൊറിയോഗ്രാഫര്‍ അഷറഫ് ഗുരുക്കള്‍ പറയുന്നത്. തെങ്ങില്‍ കയറിയും വെള്ളത്തില്‍ നീന്തിയും വള്ളത്തില്‍ കയറിയും റിമ അഭിനയിച്ച സാഹസിക രംഗങ്ങള്‍ കണ്ട് താനുള്‍പ്പടെ മുഴുവന്‍ ക്രൂവും ഞെട്ടിപ്പോയി എന്നാണ് ആക്ഷന്‍ കൊറിയോഗ്രാഫറുടെ കുറിപ്പ്.
അഷ്‌റഫ് ഗുരുക്കളുടെ കുറിപ്പ്:
മഞ്ജു വാര്യര്‍ക്ക് ശേഷം.. എന്റെ സിനിമാ അനുഭവത്തില്‍ ഇന്ന് വര്‍ക്കലയില്‍ സജിന്‍ ബാബു സംവിധാനം ചെയ്യുന്ന പുതിയചിത്രം ‘തിയറ്ററി’ല്‍ റിമാ കല്ലിങ്കലിന്റെ ധൈര്യം എന്നെ ഞെട്ടിച്ചു. എന്നെ മാത്രമല്ല സിനിമയിലെ മുഴുവന്‍ ക്രൂവിനെയും. കഥയുടെ വിശദീകരണത്തിലേക്ക് ഞാനിപ്പോള്‍ വരുന്നില്ല. കഥ എന്താണെന്ന് പറയാന്‍ ഇപ്പോള്‍ പ്രൊഡക്ഷന്റെ അനുവാദവും ഇല്ല.
എന്തായാലും തിയറ്റര്‍ എന്ന സിനിമ തിയറ്ററില്‍ വരുമ്പോള്‍ അതൊരു വന്‍ അദ്ഭുതമായിരിക്കും. പ്രത്യേകിച്ചും റിമ കല്ലിങ്കലിന്റെ പ്രകടനവും അവര്‍ കാണിച്ച ആത്മധൈര്യവും ഈ സിനിമയുടെ മേക്കിങ്ങും. ഫൈറ്റ് ആയിരുന്നോ ഗുരുക്കളേ റിമ ചെയ്തത്.
അല്ല. പിന്നെ.. അത് പിന്നെപ്പറയാം. പിന്നെ ഛായാഗ്രാഹകന്‍ ശ്യാമ പ്രകാശ് ഓടി നടന്നും വെള്ളത്തില്‍ നീന്തിയും വള്ളത്തില്‍ കയറിയും. ഒരുപാട് നന്ദി ശ്യാം ജി, പ്രത്യേകിച് ഫൈറ്റേഴ്‌സ്, എല്ലാവരോടും നന്ദി.
