ശരീരം തടിച്ചതോടെ സൈബര്‍ ഇടത്തില്‍ അടക്കം അവഹേളനങ്ങള്‍ നേരിട്ട നടിയാണ് റിതിക സിങ്. വയര്‍ ചാടിയതിനായിരുന്നു ഏറ്റവും കൂടുതല്‍ സൈബര്‍ ബുള്ളിയിങ്ങ് അവര്‍ നേരിട്ടത്. ചില ആരാധകര്‍ ‘റി തിക്കാ’ എന്നാണ് തന്നെ വിളിച്ചിരുന്നതെന്നും ഇവര്‍ ഒരു അഭിമുഖത്തില്‍ വെളിപ്പെടുത്തിയിരുന്നു.
എന്നാല്‍, ഇത്തരത്തില്‍ ഉയര്‍ന്ന വിമര്‍ശനങ്ങള്‍ക്കെല്ലാമുള്ള മറുപടിയുമായി നടി ഇന്‍സ്റ്റാഗ്രാമില്‍ എത്തിയിട്ടുണ്ട്. തടി കുറച്ച് കൂടുതല്‍ സുന്ദരിയായുള്ള ഫോട്ടോകള്‍ അടക്കം പങ്കുവെച്ചാണ് നടി റിതിക സിങ് വിമര്‍ശകരുടെ വായടപ്പിച്ചിരിക്കുന്നത്. ആരാധകര്‍ തന്നെ വിളിക്കുന്നത് ‘റി തിക്കാ’ എന്നാണെന്നും അത്തരം വിമര്‍ശനങ്ങള്‍ക്ക് മറുപടിയെന്നോണം താന്‍ വണ്ണം കൂടിയ ശരീരത്തോട് വിടപറയുന്നുവെന്നും റിതിക ഇന്‍സ്റ്റാഗ്രാമില്‍ കുറിച്ചു.
View this post on Instagram
തടിയുള്ള അവസ്ഥയോട് വിട. നിങ്ങള്‍ എന്നെ ‘റി തിക്കാ’ എന്ന് വിളിക്കുന്നതിനോട് ഗുഡ് ബൈ പറയുന്നു. നിങ്ങള്‍ എന്നെ അങ്ങനെ വിളിക്കുന്നത് ബുദ്ധിമുട്ടായതുകൊണ്ട് ഞാന്‍ തടികുറച്ച് വീണ്ടും മെലിഞ്ഞിരിക്കുന്നുവെന്ന് ചിത്രങ്ങള്‍ പങ്കുവെച്ച് നടി ഇന്‍സ്റ്റാഗ്രാമില്‍ കുറിച്ചു. ഒരു മാര്‍ഷ്യല്‍ ആര്‍ടിസ്റ്റ് കൂടിയാണ് റിതിക. തന്റെ ശരീരം ആരോഗ്യകരവും സുന്ദരവും ഫിറ്റുമായി നിലനിര്‍ത്തുന്നതില്‍ എക്കാലവും ശ്രദ്ധിച്ചിരുന്ന റിതിക അടുത്തിടെ കുറച്ച് വണ്ണം വച്ചതിനെത്തുടര്‍ന്ന് വിമര്‍ശനങ്ങള്‍ നേരിട്ടിരുന്നു. ഇപ്പോള്‍ കഠിനമായ വ്യായാമമുറകളിലൂടെയും ഭക്ഷണക്രമത്തിലൂടെയും തന്റെ അഴകളവുകള്‍ വീണ്ടും നേടിയെടുത്തിരിക്കുകയാണ് താരം.
Read more
‘ഇരുധി സുട്ര്’ എന്ന തമിഴ് ചിത്രത്തിലൂടെ പ്രശസ്തയായ താരമാണ് റിതിക സിങ്. ദുല്‍ഖര്‍ സല്‍മാന്‍ നായകനായ കിങ് ഓഫ് കൊത്തയില്‍ ‘കലാപക്കാരാ’ എന്ന പാട്ടിലെ ഐറ്റം ഡാന്‍സിലൂടെ മലയാളികളെയും റിതിക കൈയ്യില്‍ എടുത്തിരുന്നു. റിതികയുടെ പുതിയ ചിത്രങ്ങളെ പ്രശംസിച്ച് നിരവധിപ്പേരാണ് എത്തിയിരിക്കുന്നത്.
