തിയേറ്ററുകളില്‍ തരംഗം തീര്‍ക്കുന്നത് ‘ടര്‍ബോ ജോസ്’ ആണെങ്കില്‍ സോഷ്യല്‍ മീഡിയയില്‍ ഓളം തീര്‍ക്കുന്നത് ‘ദുബായ് ജോസ്’. 20 വര്‍ഷം മുമ്പ് പുറത്തിറങ്ങിയ ‘ജലോത്സവം’ എന്ന ചിത്രത്തില്‍ നടന്‍ റിയാസ് ഖാന്‍ അവതരിപ്പിച്ച കഥാപാത്രമാണ് ദുബായ് ജോസ്.
ഈ ചിത്രത്തിലെ റിയാസിന്റെ ‘അടിച്ചു കേറി വാ’ എന്ന ഡയലോഗാണ് ഇപ്പോള്‍ സോഷ്യല്‍ മീഡിയ ഭരിക്കുന്നത്. ടര്‍ബോ സിനിമയും ജോസ് എന്ന കഥാപാത്രവും ഹിറ്റായതോടെയാണ് ദുബായ് ജോസും തരംഗമായത്. ഒരു സ്പൂഫ് ആയി കണ്ടാണ് പലരും ദുബായ് ജോസിനെ വൈറലാക്കിയത്.
സിബി മലയിലിന്റെ സംവിധാനത്തില്‍ 2004ല്‍ പുറത്തിറങ്ങിയ ചിത്രമാണ് ജലോത്സവം. കുഞ്ചാക്കോ ബോബന്‍, നവ്യ നായര്‍ എന്നിവര്‍ പ്രധാന കഥാപാത്രങ്ങളായ ചിത്രത്തില്‍ ചീങ്കണ്ണി ജോസ് എന്ന് വിളിപ്പേരുള്ള ദുബായ് ജോസ് എന്ന വില്ലന്‍ കഥാപാത്രമായാണ് റിയാസ് ഖാന്‍ വേഷമിട്ടത്.
അണ്ണൻ ട്രെൻഡിംഗ് ആണല്ലോ 🔥🌪️
അടിച്ച് കേറി വാ 😂🔥
Riyas Khan As Dubai Jose 🤣💥 pic.twitter.com/E29MbQwjA6
— 𝗕 𝗟𝗔𝗟 🧢 (@IamB_Lal) May 28, 2024
കുട്ടനാടിന്റെ പശ്ചാത്തലത്തില്‍ വള്ളംകളിയുടെ കഥയാണ് ജലോത്സവം പറഞ്ഞത്. റിലീസ് ആയ സമയത്ത് ലഭിക്കാതിരുന്ന സ്വീകരണമാണ് ഇന്ന് അപ്രതീക്ഷിതമായി ദുബായ് ജോസിന് ലഭിക്കുന്നത്. അതേസമയം, മമ്മൂട്ടിയുടെ ടര്‍ബോ ജോസ് ബോക്‌സ് ഓഫീസില്‍ 50 കോടിയും പിന്നിട്ട് 100 കോടി കളക്ഷനിലേക്ക് കുതിക്കുകയാണ്.
Immediately need a full movie watch!🔥
Riyas khan as Dubai Jose 😎 pic.twitter.com/r9uReia6rk
— Muhsin_Tharuvara (@Muhsin_T_) May 19, 2024
Read more
