ബാഹുബലിയ്ക്ക് ശേഷമുള്ള പ്രഭാസ് ചിത്രം “സാഹോ”യ്ക്കായുള്ള കാത്തിരിപ്പിലാണ് ആരാധകര്‍. സാഹോ ഒരു ആക്ഷന്‍ പാക്ക്ഡ് മാസ് എന്റര്‍ടെയ്നറായിരിക്കുമെന്ന് അണിയറ പ്രവര്‍ത്തകര്‍ നേരത്തെ തന്നെ വ്യക്തമാക്കിയിരുന്നു. ബിഗ് ബഡ്ജറ്റ് ചിത്രത്തിന്റെതായി പുറത്തിറങ്ങിയ ട്രെയിലറും ഇത് വ്യക്തമാക്കുന്നതായിരുന്നു. ഇപ്പോഴിതാ ചിത്രത്തിന്റെ യുഎഇ യില്‍ നിന്നുള്ള റിവ്യൂവാണ് ആരാധകരെ ആവേശത്തിലാക്കിയിരിക്കുന്നത്.
സാഹോ കണ്ടതിനു ശേഷമുള്ള യുഎഇ സെന്‍സര്‍ ബോര്‍ഡ് മെംബറും സിനിമാ നിരൂപകനുമായ ഉമൈര്‍ സന്ദു ട്വീറ്റുകളാണ് ആരാധകരെ ത്രസിപ്പിച്ചിരിക്കുന്നത്. അത്യുഗ്രന്‍ ആക്ഷന്‍ രംഗങ്ങളും വിഷ്വല്‍സും നിറഞ്ഞ മാസ് ചിത്രമാണ് സാഹോ എന്നാണ് ഉമൈര്‍ സന്ദു പറയുന്നത്. ആക്ഷന്‍ രംഗങ്ങളാണ് ചിത്രത്തിന്റെ പ്രത്യേകതയെന്നും അത്യുഗ്രന്‍ ആക്ഷന്‍ രംഗങ്ങളും വിഷ്വല്‍സും നിറഞ്ഞ മാസ് മസാല ചിത്രങ്ങള്‍ ഇഷ്ടപ്പെടുന്നവരാണെങ്കില്‍ തീര്‍ച്ചയായും സാഹോ ഇഷ്ടപ്പെടുമെന്ന് അദ്ദേഹം ട്വിറ്ററില്‍ കുറിച്ചു. നാല് സ്റ്റാറാണ് ചിത്രത്തിന് ഉമൈര്‍ സന്ദു നല്‍കിയിരിക്കുന്നത്.
https://twitter.com/UmairFilms/status/1166287131234492416
https://twitter.com/UmairFilms/status/1165924570370646017
https://twitter.com/UmairFilms/status/1165926645007626240
ഇന്ത്യയൊട്ടാകെയുള്ള പ്രഭാസ് ആരാധകര്‍ ഏറെ പ്രതീക്ഷയോടെ കാത്തിരിക്കുന്ന ബ്രഹ്മാണ്ഡചിത്രം ഈ മാസം 30 നാണ് തീയറ്ററുകളില്‍ എത്തുന്നത്. ബാഹുബലിയെ വെല്ലുന്ന പ്രകടനം തന്നെയാണ് സാഹോയിലൂടെ പ്രഭാസ് ആരാധകര്‍ പ്രതീക്ഷിക്കുന്നത്. റണ്‍ രാജ റണ്‍ എന്ന തെലുങ്ക് ചിത്രത്തിലൂടെ ശ്രദ്ധേയനായ സുജീത്താണ് ചിത്രത്തിന്റെ സംവിധാനം. ശ്രദ്ധ കപൂറാണ് നായിക. പ്രശസ്ത ഹോളിവുഡ് ആക്ഷന്‍ കോ-ഓര്‍ഡിനേറ്റര്‍ കെന്നി ബേറ്റ്‌സാണ് ചിത്രത്തിന്റെ ആക്ഷന്‍ കൊറിയോഗ്രാഫര്‍. ബാഹുബലിയുടെ ആര്‍ട്ട് ഡയറക്ടറായിരുന്ന സാബു സിറിലാണ് കലാസംവിധായകന്‍.