ബാഹുബലിക്ക് ശേഷം പ്രഭാസിന്റെ സാഹോയും പ്രേക്ഷകര്‍ ഇരുകൈയും നീട്ടി സ്വീകരിച്ചിരിക്കുകയാണ്. തീയേറ്ററുകളില്‍ ഓളം സൃഷ്ടിച്ചിരിക്കുകയാണ് സാഹോ. ആഗോളതലത്തില്‍ റിലീസ് ചെയ്ത ചിത്രത്തിന്റെ ആദ്യ ദിന കളക്ഷന്‍ 130 കോടിയാണ്. ഇന്ത്യയില്‍ മാത്രം 68 കോടിയാണ് ചിത്രം നേടിയിരിക്കുന്നത്.
ഗംഭീര തുടക്കം കരസ്ഥമാക്കിയ സാഹോ അവഞ്ചേര്‍സി”ന്റെയും “തഗ്സ് ഓഫ് ഹിന്ദുസ്ഥാനി”ന്റെയും ആദ്യ ദിന കളക്ഷന്‍ റെക്കോര്‍ഡുകളാണ് തകര്‍ത്തിരിക്കുന്നത്. ആവേശകരമായ തുടക്കമാണ് ചിത്രത്തിന് ലഭിച്ചിരിക്കുന്നത്. ഹിന്ദി, തെലുങ്ക്, തമിഴ്, മലയാളം ഭാഷകളില്‍ റിലീസ് ചെയ്യുന്ന ചിത്രം സുജീത്താണ് സംവിധാനം ചെയ്തത്. യുവി ക്രിയേഷന്‍സിന്റെ ബാനറില്‍ നിര്‍മിച്ച ചിത്രത്തില്‍ പ്രശസ്ത ഹോളിവുഡ് ആക്ഷന്‍ കോ-ഓര്‍ഡിനേറ്റര്‍ കെന്നി ബേറ്റ്‌സാണ് ചിത്രത്തിന്റെ ആക്ഷന്‍ കൊറിയോഗ്രാഫര്‍.
ബോളിവുഡ് താരം ശ്രദ്ധ കപൂര്‍ നായികയായി എത്തിയ ചിത്രത്തില്‍ ജാക്കി ഷ്രോഫ്, നീല്‍ നിതിന്‍ മുകേഷ്, മന്ദിര ബേദി, ചങ്കി പാണ്ഡേ, ലാല്‍, മഹേഷ് മഞ്ജറേക്കര്‍, അരുണ്‍ വിജയ്, മുരളി ശര്‍മ തുടങ്ങിയവരും ചിത്രത്തില്‍ വേഷമിടുന്നു. ഗിബ്രാന്‍ പശ്ചാത്തലസംഗീതം നിര്‍വഹിച്ച ചിത്രത്തിന്റെ ഛായാഗ്രഹണം ആര്‍. മഥിയും എഡിറ്റിങ് ശ്രീകര്‍ പ്രസാദുമാണ് നിര്‍വഹിച്ചിരിക്കുന്നത്.