ദേശീയ ചലച്ചിത്ര പ്രഖ്യാപനത്തില്‍ മലയാളത്തിന്റെ അഭിമാനമായി മാറിയിരിക്കുകയാണ് അന്തരിച്ച സംവിധായകന്‍ സച്ചിയും അദ്ദേഹത്തിന്റെ അയ്യപ്പനും കോശിയും എന്ന സിനിമയും. മികച്ച സംവിധായകനുള്ള പുരസ്‌കാരത്തിന് സച്ചി അര്‍ഹനായപ്പോള്‍ അദ്ദേഹത്തിന്റെ ചിത്രം അയ്യപ്പനും കോശിയും മികച്ച സംവിധായകനടക്കം നാല് പുരസ്‌കാരങ്ങളാണ് സ്വന്തമാക്കിയത്.
മികച്ച സ്റ്റണ്ട് കൊറിയോഗ്രാഫര്‍ മാഫിയ ശശി, മികച്ച പിന്നണി ഗായിക നഞ്ചമ്മ, മികച്ച സഹനടന്‍ ബിജുമേനോന്‍ എന്നിങ്ങനെയാണ് അയ്യപ്പനും കോശിയും സ്വന്തമാക്കിയ അവാര്‍ഡുകള്‍.
2020ല്‍ പുറത്തിറങ്ങിയ ‘അയ്യപ്പനും കോശി’യും ഇരുകൈകളും നീട്ടി ആരാധകര്‍ സ്വീകരിച്ചു. എന്നാല്‍ സിനിമയുടെ വിജയത്തിന്റെ ആരവങ്ങള്‍ അവസാനിക്കും മുന്‍പേ 2020ല്‍ ഹൃദയാഘാതത്തെ തുടര്‍ന്നാണ് സച്ചി സിനിമ ലോകത്ത് നിന്നും നിന്നും എന്നന്നേക്കുമായി പടിയിറങ്ങിയത്. 2021 സംസ്ഥാന ചലച്ചിത്ര പുരസ്‌കാരത്തിലും സച്ചിയെയും അയ്യപ്പനും കോശിയെയും തേടി അംഗീകാര എത്തിയിരുന്നു.