മികച്ച പ്രേക്ഷ പ്രതികരണങ്ങളോടെ പ്രദര്‍ശനം തുടരുകയാണ് “സെയ്ഫ്”. സമീപകാലത്തു ഇറങ്ങിയ ചിത്രങ്ങളില്‍ നിന്ന് വ്യത്യസ്തമായി എത്തിയ ചിത്രം കുടുംബപ്രേക്ഷകര്‍ ഇരുകൈയ്യും നീട്ടി സ്വീകരിച്ചിരിക്കുകയാണ്. കഴിഞ്ഞ വെള്ളിയാഴ്ച തിയേറ്ററുകളിലേക്കെത്തിയ ചിത്രം രണ്ടാം വാരത്തിലും പ്രദര്‍ശനം തുടരുകയാണ്.
സെയ്ഫ് കാലത്തിന് ആവശ്യമായ ചിത്രമെന്നാണ് ഡെപ്യൂട്ടി സ്പീക്കര്‍ വി. ശശി പ്രശംസിക്കുന്നത്. ഡെപ്യൂട്ടി സ്പീക്കര്‍, സംവിധായകന്‍ കെ മധു, ഭാരത് ഭവന്‍ മെമ്പര്‍ സെക്രട്ടറിയും സംവിധായകനുമായ പ്രമോദ് പയ്യന്നൂര്‍, ജയില്‍ സീനിയര്‍ സൂപ്രണ്ട് പ്രീത രാജേഷ്, ടെക്‌നിക്കല്‍ ഹയര്‍ സെക്കന്ററി പ്രിന്‍സിപ്പല്‍ ശ്രീരജ് നായര്‍ എന്നിവരും അവരുടെ കുടുംബവും നടി സോണിയ, നടന്‍ പ്രസാദ് കണ്ണന്‍ എന്നിവരും ചിത്രം കണ്ട് വിലയിരുത്തി.
സമാധാനത്തോടെ കാണാവുന്ന ഒരു ത്രില്ലര്‍ ചിത്രമാണ് സെയ്ഫ്. നവാഗതനായ പ്രദീപ് കാളിയപുരത്ത് സംവിധാനം ചെയ്ത ചിത്രം എപിഫാനി എന്റര്‍ടൈന്‍മെന്റിന്റെ ബാനറില്‍ ഷാജി പല്ലാരിമംഗലം, സര്‍ജു മാത്യു എന്നിവര്‍ ചേര്‍ന്നാണ് നിര്‍മ്മിച്ചിരിക്കുന്നത്.
