ബോക്‌സ് ഓഫീസില്‍ പുതിയ റെക്കോര്‍ഡുകള്‍ തീര്‍ത്ത് ‘സാലര്‍’. 500 കോടി ക്ലബ്ബില്‍ കയറിയിരിക്കുകയാണ് ചിത്രം ഇപ്പോള്‍. ക്രിസ്മസ് ചിത്രങ്ങളില്‍ റെക്കോര്‍ഡ് ബ്രേക്ക് ചെയ്ത് മുന്നേറുകയാണ് സലാര്‍ ഇപ്പോള്‍. ദേവയായി പ്രഭാസും, വരദ രാജ മന്നാര്‍ ആയി പൃഥ്വിരാജും എത്തിയ ചിത്രം രണ്ട് സുഹൃത്തുക്കളുടെ കഥയാണ് പറയുന്നത്.
ഇരുവരും എങ്ങനെ ശത്രുക്കളായി മാറുന്നു എന്നതിലേക്കാണ് എത്തിക്കുന്നതാണ് ‘സലാര്‍ പാര്‍ട്ട് 1 സീസ് ഫയര്‍’ എന്ന ആദ്യ ഭാഗം. ഓപ്പണിംഗ് ദിനത്തില്‍ ഇന്ത്യയില്‍ നിന്നും മാത്രം ചിത്രം നേടിയത് 95 കോടി രൂപയാണ്, ആഗോളതലത്തില്‍ 178 കോടിയും.
1000 കോടി ക്ലബ്ബില്‍ എത്തിയ ഷാരൂഖ് ഖാന്‍ ചിത്രങ്ങളായ ‘പഠാന്‍’, ‘ജവാന്‍’ എന്നിവയെ മറികടന്ന് ആയിരുന്നു സലാറിന്റെ നേട്ടം. ‘ബാഹുബലി’ സീരിസിന് ശേഷം പ്രഭാസിന്റെ കരിയറിലെ സൂപ്പര്‍ ഹിറ്റ് ചിത്രമാവുകയാണ് സലാര്‍. ബാഹുബലിക്ക് ശേഷം എത്തിയ പ്രഭാസിന്റെ എല്ലാ സിനിമകളും തിയേറ്ററില്‍ ഫ്ലോപ്പ് ആയിരുന്നു.
അതേസമയം, ശ്രുതി ഹാസന്‍ ആണ് സലാറില്‍ നായിക. ജഗപതി ബാബു,ബോബി സിംഹ, ടിന്നു ആനന്ദ്, ഈശ്വരി റാവു, ശ്രീയ റെഡ്ഡി, രാമചന്ദ്ര രാജു എന്നിവരാണ് മറ്റു അഭിനേതാക്കള്‍. വമ്പന്‍ താര നിര തന്നെയാണ് ചിത്രത്തിലുള്ളത്. സലാര്‍ കേരളത്തിലെ തീയേറ്ററുകളില്‍ വിതരണാവകാശം എത്തിച്ചിട്ടുള്ളത് പൃഥ്വിരാജ് പ്രൊഡക്ഷന്‍സും മാജിക് ഫ്രെയിംസും ചേര്‍ന്നാണ്.
ഛായാഗ്രഹണം: ഭുവന്‍ ഗൗഡ, സംഗീത സംവിധാനം: രവി ബസ്രുര്‍, പ്രൊഡക്ഷന്‍ ഡിസൈനര്‍: ടി എല്‍ വെങ്കടചലപതി, ആക്ഷന്‍സ്: അന്‍മ്പറിവ്, കോസ്റ്റ്യും: തോട്ട വിജയ് ഭാസ്‌കര്‍, എഡിറ്റര്‍: ഉജ്വല്‍ കുല്‍കര്‍ണി, വിഎഫ്എക്‌സ്: രാഖവ് തമ്മ റെഡ്ഡി. പി.ആര്‍.ഒ: മഞ്ജു ഗോപിനാഥ്, മാര്‍ക്കറ്റിംഗ് കണ്‍സള്‍ട്ടന്റ്: ബിനു ബ്രിങ്‌ഫോര്‍ത്ത്.