ആക്ഷന്‍ രംഗങ്ങളില്‍ തന്നേക്കാള്‍ പ്രായമുള്ള ആളുകള്‍ക്കൊപ്പം അഭിനയിക്കാന്‍ സല്മാന് ഖാന് കഴിയില്ലെന്ന് നടന്‍ ജഗപതി ബാബു. കിസി കി ഭായ് കിസി കി ജാനില്‍ മുടി കറുപ്പിച്ചാണ് താന്‍ അഭിനയിച്ചതെന്നും അത് കഥാപാത്രത്തിന് ആവശ്യമായ ഒന്നായത് കൊണ്ടാണെന്നും അദ്ദേഹം പറഞ്ഞു.
‘കിസി കാ ഭായ് കിസി കി ജാനി’ലൂടെയാണ് സല്മാന് ഖാന്റെ വില്ലനായി ബോളിവുഡിലേക്ക് ജഗപതി ബാബു അരങ്ങേറ്റം കുറിച്ചത്. സല്മാന് ഖാനുമായി ജോലി ചെയ്യുന്നതിനെ കുറിച്ചും ഫൈറ്റ് സീനിന് മുമ്പുള്ള അദ്ദേഹത്തിന്റെ നിര്‍ദേശങ്ങളെക്കുറിച്ചുമാണ് ജഗപതി സംസാരിച്ചത്.
‘സല്‍മാനുമൊത്തുള്ള ആക്ഷന്‍ രംഗമൊക്കെ വളരെ ഈസിയായിരുന്നു. ചിത്രത്തില്‍ തന്റെ കഥാപാത്രത്തിന്റെ മുടി കറുപ്പിക്കാനും കുറച്ചുകൂടി ചെറുപ്പമായി സ്‌ക്രീനില്‍ കാണാനുമാണ് സല്മാന് ഖാന് ആഗ്രഹിച്ചത്. അതിനു കാരണം, അദ്ദേഹത്തിന്റെ ഒരു തീരുമാനമാണ്. തന്നേക്കാള്‍ മുതിര്‍ന്ന ഒരാളോട് അദ്ദേഹത്തിന് ആക്ഷന്‍ രംഗങ്ങളില്‍ പോരാടാന്‍ കഴിയില്ല എന്നതായിരുന്നു. അതിനാല്‍ ഞാന്‍ മുടി കറുപ്പിച്ചാണ് ചിത്രത്തില്‍ പ്രത്യക്ഷപ്പെട്ടത്. അതു പ്രത്യേക പരിഗണന ഒന്നുമല്ല, ജഗപതി ബാബു പറഞ്ഞു.
ഫര്‍ഹാദ് സാംജി സംവിധാനം ചെയ്ത കിസി കാ ഭായ് കിസി കി ജാന് മികച്ച പ്രതികരണത്തോടെ ബോക്‌സ് ഓഫീസ് ഹിറ്റ് സൃഷ്ടിച്ചു കഴിഞ്ഞു. ആക്ഷന്‍ പാക്ഡ് എന്റര്‍ടെയ്നറായി ഒരുക്കിയ ചിത്രത്തില്‍ പൂജ ഹെഗ്‌ഡെയാണ് നായിക കഥാപാത്രത്തെ അവതരിപ്പിക്കുന്നത്.
