ശരീരഭാരം കൂട്ടുവെന്ന ആരാധകന്റെ കമന്റിന് ഉശിരന്‍ മറുപടി കൊടുത്ത് നടി സാമന്ത. ഇന്‍സ്റ്റഗ്രാമിലെ ചോദ്യോത്തര സെഷനിലാണ് ഒരാള്‍ നടിയോട് ശരീരത്തിന്റെ ഭാരം വര്‍ദ്ധിപ്പിക്കാന്‍ ആവശ്യപ്പെട്ടത്. ഇതിനോട് കടുത്ത ഭാഷയിലാണ് സാമന്ത പ്രതികരിച്ചത്.
‘എന്റെ രോഗാവസ്ഥയുമായി ബന്ധപ്പെട്ട് ഞാന്‍ ആന്റി ഇന്‍ഫ്ളമേറ്ററി ഡയറ്റിലാണ്. അത് ഭാരം കൂടുന്നതിനെ തടയും. ആളുകളെ മുന്‍വിധിയോടെ സമീപിക്കുന്നത് നിര്‍ത്തണം. ഇത് 2024 ആണ്’ എന്നാണ് സാമന്ത പറഞ്ഞത്.
2022ല്‍ സാമന്ത തന്റെ രോഗവിവരത്തെക്കുറിച്ച് ആരാധകരുമായി പങ്കുവെച്ചിരുന്നു. ശരീരത്തിലെ മസിലുകളെ ദുര്‍ബലപ്പെടുത്തുന്ന മയോസൈറ്റിസ് എന്ന ഓട്ടോ ഇമ്മ്യൂണ്‍ രോഗമാണ് നടിയെ ബാധിച്ചിരിക്കുന്നത്. കുറച്ച് നാള്‍ ഇതിന്റെ ചികിത്സയ്ക്കായി നടി സിനിമയില്‍നിന്നും ഇടവേളയെടുത്തിരുന്നു.
‘ഡിറ്റാഡല്‍: ഹണി ബണ്ണി’ എന്ന ആക്ഷന്‍ സീരീസാണ് പുതിയതായി സാമന്തയുടേതായി റിലീസിനൊരുങ്ങുന്നത്. നവംബര്‍ ഏഴിനാണ് സീരീസിന്റെ റിലീസ്.