കൊറോണയുടെ പശ്ചാത്തലത്തില്‍ ഷൂട്ടിംഗ് പരിപാടികളും മറ്റും നിര്‍ത്തിവെച്ചതോടെ വീടുകളില്‍ സമയം ചിലവഴിക്കുകയാണ് താരങ്ങള്‍. ഭീതിയുടെ നാളുകളാണെങ്കിലും തിരക്കെഴിഞ്ഞ സമയത്തെ വീട്ടുകാര്‍ക്കൊപ്പം ഏറെ മനോഹരമാക്കുകയാണ് അവര്‍. ഇപ്പോഴിതാ മകനൊപ്പം വീടുപണികളില്‍ മുഴുകിയിരിക്കുന്ന നടന്‍ ബിജു മോനോന്റെ ചിത്രങ്ങളാണ് സോഷ്യല്‍ മീഡിയയില്‍ ശ്രദ്ധ നേടിയിരിക്കുന്നത്. ഭാര്യയും നടിയുമായ സംയുക്ത വര്‍മ്മയാണ് ചിത്രങ്ങള്‍ പങ്കുവെച്ചിരിക്കുന്നത്.
മകന്‍ ദക്ഷും ബിജു മേനോനും വീട്ടിലെ പണികള്‍ എടുക്കുന്ന ചില ചിത്രങ്ങളാണ് സംയുക്ത പങ്കുവെച്ചിരിക്കുന്നത്. “ചെറിയ ചെറിയ വിജയങ്ങള്‍ ആഘോഷിക്കുകയാണ്. ഗവ. ടെക്‌നിക്കല്‍ ഹൈസ്‌കൂളിന് നന്ദി, വീട്ടിലിരിക്കൂ, സുരക്ഷിതരായിരിക്കൂ.” എന്ന കുറിപ്പോടെയാണ് സംയുക്ത ചിത്രങ്ങള്‍ പങ്കുവെച്ചിരിക്കുന്നത്.
https://www.instagram.com/p/B-B3abXJ_7N/?utm_source=ig_web_copy_link
അച്ഛനും മകനും ചേര്‍ന്ന് വീടിനു പുറത്തുള്ള ചെടിച്ചട്ടികള്‍ പെയിന്റ് ചെയ്യുന്നതും ചില്ലറ മരപ്പണികള്‍ ചെയ്യുന്നതും ചെയ്യുന്നതുമൊക്കെ ചിത്രത്തില്‍ കാണാം.