‘പോര്‍ തൊഴിലി’ന് ശേഷം ശരത് കുമാര്‍ പൊലീസ് വേഷത്തിലെത്തുന്ന പുതിയ ത്രില്ലര്‍ ചിത്രത്തിന്റെ ട്രെയ്‌ലര്‍ ശ്രദ്ധ നേടുന്നു. ‘ഹിറ്റ്‌ലിസ്റ്റ്’ എന്ന ചിത്രത്തിന്റെ ടീസര്‍ ആണ് പുറത്തെത്തിയിരിക്കുന്നത്. മമ്മൂട്ടിയുടെ ‘റോഷാക്’ ചിത്രത്തിലേത് പോലെ മുഖം മൂടിക്കുള്ളില്‍ ഒളിച്ച വില്ലനെയാണ് ടീസറില്‍ കാണിക്കുന്നത്.
മുഖം മൂടിക്കുള്ളില്‍ ഏത് താരമാണെന്ന് വ്യക്തമല്ല. സി സത്യയാണ് സംഗീത സംവിധാനം നിര്‍വഹിക്കുന്നത്. സൂര്യകതിറും കെ കാര്‍ത്തികേയനും ചേര്‍ന്നാണ് ചിത്രം സംവിധാനം ചെയ്യുന്നത്. വിജയ് കനിഷ്‌കയും ചിത്രത്തില്‍ പ്രധാന വേഷത്തില്‍ എത്തുന്നുണ്ട്.
സമുദ്രക്കനി, ഗൗതം വാസുദേവ് മേനോന്‍, സിത്താര, സ്മൃതി വെങ്കട്, രാമചന്ദ്ര രാജു, രാമചന്ദ്രന്‍, ഐശ്വര്യ ദത്ത്, അബി നക്ഷത്ര, അനുപമ കുമാര്‍, ബാലശരവണന്‍ എന്നിവരും ചിത്രത്തിലുണ്ട്. കെ രാംചരണാണ് ചിത്രത്തിന്റെ ഛായാഗ്രാഹണം നിര്‍വഹിക്കുന്നത്.
വിഗ്‌നേഷ് രാജ സംവിധാനം ചെയ്ത പോര്‍ തൊഴില്‍ ഈയടുത്ത് ഒ.ടി.ടി റിലീസ് ആയി എത്തിയിരുന്നു. ചിത്രം ഏറെ ശ്രദ്ധിക്കപ്പെട്ടിരുന്നു. അശോക് സെല്‍വന്‍ നായകനായി എത്തിയ ചിത്രത്തില്‍ എസ്.പി ലോകനാഥന്‍ എന്ന കഥാപാത്രമായാണ് ശരത് കുമാര്‍ വേഷമിട്ടത്.