ദുൽഖർ സൽമാനെ നായകനാക്കി ഹനു രാഘവപ്പുഡി ഒരുക്കിയ ബ്ലോക്ബസ്റ്റർ ചിത്രം സീതാ രാമംത്തിലെ ഡിലീറ്റഡ് രംഗം പുറത്തുവിട്ട് അണിയറ പ്രവർത്തകർ. ചിത്രം പുറത്തിറങ്ങി 50 ദിവസം പിന്നിട്ടുകഴിഞ്ഞാണ് അണിയറ പ്രവർത്തകർ ചിത്രത്തിന്റെ ഡിലീറ്റഡ് സീൻസ് പുറത്തുവിട്ടത്.
റാമിനെയും സീനിയർ ഓഫീസറെയും പാക്കിസ്ഥാൻ തടവിലാക്കിയതിന് പിന്നാലെയുള്ള സീനാണ് വീഡിയോയിലുള്ളത്. വീഡിയോയ്ക്ക് താഴെ നിരവധി പേർ കമന്റുകളുമായി രംഗത്തെത്തി. വളരെ നിഷ്കളങ്കനായ കഥാപാത്രമായിരുന്നു റാമിന്റേതെന്നാണ് ഭൂരിഭാഗം പേരും കുറിച്ചിരിക്കുന്നത്.
രശ്മിക മന്ദാനയും മൃണാള്‍ താക്കൂറുമാണ് ചിത്രത്തിൽ മറ്റ് പ്രധാന കഥാപാത്രങ്ങളായി എത്തിയത്. റിലീസ് ദിനം മുതൽ ബോക്സ് ഓഫീസിൽ മികച്ച പ്രകടനമാണ് കാഴ്ചവച്ചത്. 1965ലെ ഇന്‍ഡോ- പാക് യുദ്ധത്തിന്‍റെ പശ്ചാത്തലത്തില്‍ കഥ പറയുന്ന ചിത്രമാണിത്.
സീതാ രാമം ഒരു ഹിസ്റ്റോറിക്കല്‍ ഫിക്ഷനും അതേസമയം ഒരു പ്രണയകഥയുമാണെന്ന് ചിത്രത്തിന്റെ സംവിധായകന്‍ വ്യക്തമാക്കിയിരുന്നു.