ഷാരൂഖ് ആരാധകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് പത്താന്‍. നാല് വര്‍ഷത്തെ ഇടവേളയ്‌ക്കൊടുവിലെത്തുന്ന ഷാരൂഖ് ചിത്രം എന്ന പ്രത്യേകതയും പത്താനുണ്ട്. ചിത്രത്തിന്റേതായി നേരത്തെ പുറത്തുവന്ന ട്രെയിലര്‍ ഏറെ ശ്രദ്ധിക്കപ്പെട്ടിരുന്നു. ഈ അവസരത്തില്‍ ബുര്‍ജ് ഖലീഫയില്‍ ചിത്രത്തിന്റെ ട്രെയിലര്‍ പ്രദര്‍ശിപ്പിച്ചതിന്റെ ചിത്രങ്ങളും വീഡിയോകളുമാണ് പുറത്തുവരുന്നത്.
ബുര്‍ജ് ഖലീഫയില്‍ ട്രെയിലര്‍ കാണിക്കുമ്പോള്‍ അത് നോക്കി നില്‍ക്കുന്ന ഷാരൂഖ് ഖാനെ വീഡിയോയില്‍ കാണാം. തന്റെ സിഗ്‌നേച്ചര്‍ സ്റ്റെപ്പും ആരാധകര്‍ക്കായി ഷാരൂഖ് ചെയ്യുന്നുണ്ട്. പത്താന്റെ പ്രമോഷന്റെ ഭാഗമായാണ് ഷാരൂഖും സംഘവും ദുബൈയില്‍ എത്തിയത്.
View this post on Instagram
ഷാരൂഖ് ഖാനൊപ്പം ദീപിക പദുക്കോണ്‍, ജോണ്‍ എബ്രഹാം എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്ന ചിത്രം ജനുവരി 25 ന് തിയറ്ററിലെത്തും. ആക്ഷന്‍ ത്രില്ലര്‍ ഗണത്തില്‍പ്പെടുന്ന ചിത്രം സംവിധാനം ചെയ്യുന്നത് സിദ്ധാര്‍ത്ഥ് ആനന്ദ് ആണ്. ഡിംപിള്‍ കപാഡിയ, ഷാജി ചൗധരി, ഗൗതം, അഷുതോഷ് റാണ തുടങ്ങിയവരാണ് മറ്റ് അഭിനേതാക്കള്‍. പാഠാനിലെ ആദ്യ വീഡിയോ ഗാനത്തില്‍ ദീപിക പദുകോണ്‍ ധരിച്ച ബിക്കിനിയുടെ നിറത്തെച്ചൊല്ലി ബഹിഷ്‌കരണാഹ്വാനങ്ങളും വിവാദങ്ങളും ഉയര്‍ന്നിരുന്നു.
യു/ എ സര്‍ട്ടിഫിക്കറ്റ് ആണ് പത്താന്് ലഭിച്ചിരിക്കുന്നത്. ആകെ 10 കട്ടുകളാണ് ചിത്രത്തില്‍ ഉള്ളത്. ആമസോണ്‍ െ്രൈപം വീഡിയോ ആണ് പഠാന്റെ ഒടിടി അവകാശം സ്വന്തമാക്കിയിരിക്കുന്നത്. 100 കോടി രൂപയ്ക്കാണ് അവകാശം വിറ്റുപോയതെന്നാണ് വിവരം.