Connect with us
https://southlive.in/wp-content/uploads/2018/08/728-x-90-pix.jpg

FILM NEWS

അങ്ങനെ ഷാജി പാപ്പന്റെ രണ്ടാം വരവ് തിയതി പ്രഖ്യാപിച്ചു

, 2:35 pm

സോഷ്യല്‍ മീഡിയയില്‍ വൈറല്‍ ഹിറ്റായ കഥാപാത്രമാണ് ജയസൂര്യയുടെ ഷാജി പാപ്പന്‍. മിഥുന്‍ മാനുവലിന്റെ ആട് കണ്ട് ചിരിക്കാത്തവരായി ആരും തന്നെ ഉണ്ടാകില്ല. എല്ലാവര്‍ക്കും ഇഷ്ടപ്പെട്ട സിനിമയായിട്ടും തിയേറ്ററുകളില്‍ കളക്ഷന്‍ വിജയം നേടാന്‍ ചിത്രത്തിന് സാധിച്ചില്ല. ഈ കുറവ് പരിഹരിക്കാന്‍ ഷാജി പാപ്പനും പിള്ളേരും വീണ്ടും വരികയാണ്. ആട് രണ്ടാം ഭാഗവും സംവിധാനം ചെയ്യുന്നത് മിഥുന്‍ മാനുവല്‍ തോമസാണ്.

ആട് വൈറല്‍ ഹിറ്റായ സമയത്ത് തന്നെ മിഥുന്‍ രണ്ടാം ഭാഗം പ്രഖ്യാപിച്ചിരുന്നു. അതിന് ശേഷം ആന്‍മരിയ കലിപ്പിലാണ്, അലമാര തുടങ്ങിയ ചിത്രങ്ങള്‍ മിഥുന്റേതായി പുറത്തുവന്നെങ്കിലും ആടിന്റെ അനിശ്ചിതത്വം തുടരുകയായിരുന്നു. ഇപ്പോള്‍ സിനിമയ്ക്ക് റിലീസ് തിയതി പ്രഖ്യാപിച്ചിരിക്കുകയാണ് നടനും നിര്‍മ്മാതാവുമായ വിജയ് ബാബു. ഡിസംബര്‍ 22ന് ക്രിസ്മസ് റിലീസായിട്ടാണ് ആട് തിയേറ്ററുകളിലെത്തുന്നത്. ആടില്‍ ഷമീര്‍ എന്ന പൊലീസ് ഉദ്യോഗസ്ഥനെ ഗംഭീരമാക്കിയ വിജയ് രണ്ടാം ഭാഗത്തിലും അഭിനയിക്കുന്നുണ്ട്.

വിജയ് ബാബുവിന്റെ ഫെയ്‌സ്ബുക്ക് പോസ്റ്റ്.

Aadu -2 Christmas inu Varum December -22nd . Stay tuned

Posted by Vijay Babu on Monday, 27 November 2017

ആട് ആദ്യ ഭാഗത്തില്‍ അഭിനയിച്ച ആളുകള്‍ തന്നെയാണ് രണ്ടാം ഭാഗത്തിലും അഭിനയിക്കുന്നത്. പിങ്കി ആടിനെ പിങ്കിയുടെ വീട്ടില്‍ ഏല്‍പ്പിക്കുന്നിടത്തായിരുന്നു ആട് ആദ്യ ഭാഗം അവസാനിച്ചത്. രണ്ടാം ഭാഗം കഥ തുടങ്ങുന്നത് എങ്ങനെയെന്ന് കാണാന്‍ ഡിസംബര്‍ 22 വരെ കാത്തിരിക്കാം.

Advertisement