ഇന്ത്യൻ സിനിമയിൽ ഏറ്റവും കൂടുതൽ ഫാൻ ബേസുള്ള രണ്ട് താരങ്ങളാണ് ഷാരൂഖ് ഖാനും വിജയ്‍യും. രണ്ടും പേരും കൂടിയൊരു സിനിമ എന്നത് കാലങ്ങളായുള്ള ആരാധകരുടെ സ്വപ്നമാണ്. ഇപ്പോഴിതാ ആ സ്വപ്ന കോംബോ ഒന്നിക്കുന്നു. അറ്റ്ലിയാണ് ചിത്രം സംവിധാനം ചെയ്യുന്നത്.
അറ്റ്ലിയുടെ ആദ്യ ബോളിവുഡ് ചിത്രമായ ജവാനിൽ വിജയ് കാമിയോ റോളിൽ എത്തുമെന്ന് അഭ്യൂഹങ്ങളുണ്ടായിരുന്നു. എന്നാൽ ജവാനിൽ വിജയ് ഇല്ലെന്ന് റിലീസിന് തൊട്ടുമുന്നെയാണ് അറ്റ്ലി പറഞ്ഞത്. അത് ആരാധകരെ നിരാശരാക്കിയിരുന്നു.
“വിജയ് അണ്ണനെയും ഷാരൂഖ് സാറിനെയും ഒരുമിച്ച് ഒരു സിനിമയിൽ കൊണ്ടുവരാൻ പ്ലാൻ ഉണ്ട്. നല്ലൊരു സബ്ജക്ടിന് വേണ്ടിയുള്ള കാത്തിരിപ്പിലാണ് ഞാൻ. മിക്കവാറും അതായിരിക്കും എന്റെ അടുത്ത സിനിമ” അറ്റ്ലി പറഞ്ഞു.
ഷാരൂഖ് ഖാനും വിജയ്‍യും ഒരുമിക്കുമ്പോൾ ബോക്സ്ഓഫീസ് കളക്ഷൻ റെക്കോർഡുകൾ എല്ലാം തകർക്കുമെന്നാണ് ആരാധകർ കണക്കുകൂട്ടുന്നത്. തെരി’, ‘മെർസൽ’, ‘ബിഗിൽ എന്നീ ചിത്രങ്ങളാണ് വിജയ്- അറ്റ്ലി കൂട്ടുക്കെട്ടിൽ ഇതുവരെ പിറന്നത്. എന്തായാലും ചിത്രത്തിന്റെ ഔദ്യോഗിക പ്രഖ്യാപനത്തിന് വേണ്ടിയുള്ള കാത്തിരിപ്പിലാണ് സിനിമാലോകം.