നടന്‍ മോഹന്‍ലാലിന് ജന്മദിനാശംസകളുമായി് സുഹൃത്തും മുന്‍മന്ത്രിയുമായ ഷിബു ബേബി ജോണ്‍. മോഹന്‍ലാല്‍ തനിക്ക് സഹോദര തുല്യനാണ്. 35 വര്‍ഷം മുമ്പാണ് ഞങ്ങള്‍ പരിചയപ്പെട്ടത്. ആ പരിചയം സൗഹൃദമായി വളര്‍ന്നു ഇന്നും അത് നിലനില്‍ക്കുന്നുവെന്നും ഫെയ്‌സ്ബുക്കിലെഴുതിയ ആശംസ കുറിപ്പില്‍ ഷിബു ബേബി ജോണ്‍ പറഞ്ഞു.
ലോകം ആരാധിക്കുന്ന ആ മഹാകലാകാരനെ ഓര്‍ത്ത് അഭിമാനം തോന്നുന്നുവെന്നും അദ്ദേഹം കൂട്ടിച്ചേര്‍ത്തു. 2021ല്‍ യുഡിഎഫ് സ്ഥാനാര്‍ത്ഥിയായി ചവറയില്‍ ഷിബു ബേബി ജോണ്‍ മത്സരിച്ചപ്പോള്‍ മോഹന്‍ലാല്‍ ആശംസയുമായി എത്തിയിരുന്നു.
35 വര്‍ഷങ്ങള്‍ക്ക് മുമ്പ് ഞങ്ങള്‍ പരിചയപ്പെട്ടു. ആ പരിചയം സൗഹൃദമായി. സൗഹൃദം പിന്നെ സഹോദരനിര്‍വിശേഷമായ സ്‌നേഹമായി. ഇന്ന് ലോകം ആരാധിക്കുന്ന ഈ മഹാകലാകാരനെ എന്റേതെന്ന് പറഞ്ഞു ചേര്‍ത്തുപിടിക്കുമ്പോള്‍ അഭിമാനമാണ്. അഭിമാനമാണ് ഈ സൗഹൃദം.പ്രിയ സുഹൃത്തിന്പ്രിയപ്പെട്ട ലാലിന്ജന്മദിനാശംസകള്‍”- ഷിബു ബേബി ജോണ്‍ കുറിച്ചു.
ജന്മദിനവുമായി ബന്ധപ്പെട്ട് സര്‍ക്കാരിന്റെ മൃതസഞ്ജീവനി പദ്ധതിയുമായി സഹകരിച്ച് സംസ്ഥാനത്തൊട്ടാകെ ആരാധകര്‍ അവയവദാന സമ്മതപത്രം നല്‍കും. ഫാന്‍സ് അസോസിയേഷന്റെ വിവിധ കമ്മിറ്റികളുടെ ആഭിമുഖ്യത്തില്‍ അനാഥാലയങ്ങളിലും മഹിളാ മന്ദിരങ്ങളിലും പിറന്നാള്‍ സദ്യയുമൊരുക്കുമെന്നും ആരാധകര്‍ അറിയിച്ചു.