പവന്‍ കല്യാണ്‍ നായകനാകുന്ന “വക്കീല്‍ സാബ്” ചിത്രത്തില്‍ നിന്നും നടി ശ്രുതി ഹസന്‍ പിന്‍മാറിയതായി റിപ്പോര്‍ട്ടുകള്‍. ബോളിവുഡ് ചിത്രം “പിങ്ക്”ന്റെ റീമേക്കാണ് വക്കീല്‍ സാബ്. ചിത്രത്തില്‍ പവന്റെ ഭാര്യയുടെ റോളിലേക്കാണ് ശ്രുതിയെ സമീപിച്ചിരുന്നത്. എന്നാല്‍ റീമേക്കില്‍ അഭിനയിക്കുന്നില്ല എന്ന നിലപാടാണ് ശ്രുതിക്ക് എന്നാണ് റിപ്പോര്‍ട്ടുകള്‍.
വേണു ശ്രീരാം സംവിധാനം ചെയ്യുന്ന ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ മാര്‍ച്ച് 2നാണ് റിലീസ് ചെയ്തത്. പോസ്റ്റര്‍ സോഷ്യല്‍ മീഡിയ ഏറ്റെടുത്തിരുന്നു. അമിതാഭ് ബച്ചന്‍ കേന്ദ്ര കഥാപാത്രമായെത്തിയ ചിത്രമാണ് പിങ്ക്. ചിത്രത്തിന്റെ തമിഴ് റീമേക്കും കഴിഞ്ഞ വര്‍ഷം എത്തിയിരുന്നു.
അജിത്ത് കേന്ദ്ര കഥാപാത്രമായെത്തിയ “നേര്‍കൊണ്ട പാര്‍വ്വൈ” സൂപ്പര്‍ ഹിറ്റായിരുന്നു. വിദ്യാ ബാലന്‍ ചിത്രത്തില്‍ അജിത്തിന്റെ ഭാര്യയായി വേഷമിട്ടിരുന്നു.