ചിമ്പു – ധനുഷ് തര്‍ക്കം തമിഴകത്തെ പരസ്യമായ രഹസ്യമാണ്. ധാരാളം വാദപ്രതിവാദങ്ങള്‍ ഇരുവര്‍ക്കുമിടയില്‍ നടന്നിട്ടുണ്ട്. ഇപ്പോഴിതാ ധനുഷ്-ചിമ്പു തര്‍ക്കത്തെക്കുറിച്ച് തുറന്നുപറഞ്ഞിരിക്കുകയാണ് സിനിമാപ്രവര്‍ത്തകന്‍ ചെയ്യാര്‍ ബാലു. ആഗയം എന്ന തമിഴ് യൂട്യൂബ് ചാനലിനോടായിരുന്നു അദ്ദേഹത്തിന്റെ പ്രതികരണം.
കരിയര്‍ സംബന്ധിച്ചുള്ള മത്സരത്തിന് പുറമെ വ്യക്തിപരമായ കാരണങ്ങളും ഈ തര്‍ക്കത്തിന് കാരണമായെന്നാണ് ഇദ്ദേഹം പറയുന്നത്. ധനുഷിന്റെ മുന്‍ ഭാര്യ ഐശ്വര്യയുമായി പഠന കാലം മുതലുള്ള സൗഹൃദം ചിമ്പുവിനുണ്ട്. ഐശ്വര്യയെ വിവാഹം കഴിക്കാന്‍ ചിമ്പു ആഗ്രഹിച്ചിരുന്നതായി ബാലു പറഞ്ഞു.
ധനുഷ് രജനിയുടെ മരുമകന്‍ ആയി. അത് ദേഷ്യത്തിന് കാരണമായി. ഒരു ഘട്ടത്തില്‍ ചിമ്പുവിന്റെ കരിയര്‍ വല്ലാതെ ഇടിഞ്ഞു. ആ സമയത്ത് ധനുഷ് നിരവധി സിനിമകള്‍ ചെയ്ത് സജീവമായി. ചിമ്പുവിന് ഇനി തിരിച്ചു വരവില്ല എന്ന് പലരും വിമര്‍ശിച്ചു. അതിന് പിന്നാലെയാണ് നടന്‍ തിരിച്ചുവരുന്നതും ട്വിറ്റര്‍ ബയോയില്‍ അസുരന്‍ ആക്ടര്‍ എന്നെഴുതുകയും ചെയ്‌തെന്ന് ചെയ്യാര്‍ ബാല പറയുന്നു.
തിരുച്ചിത്രമ്പലം ആണ് അടുത്ത കാലത്തിറങ്ങിയ ധനുഷിന്റെ ഹിറ്റ് സിനിമ. കഴിഞ്ഞ വര്‍ഷം ആദ്യമായിരുന്നു ധനുഷും ഐശ്വര്യ രജിനികാന്തും വേര്‍പിരിഞ്ഞത്. 18 വര്‍ഷം നീണ്ട വിവാഹ ബന്ധമാണ് ഇരുവരും വേര്‍പിരിഞ്ഞത്.
Read more
രണ്ട് പേരെയും വീണ്ടും ഒരുമിപ്പിക്കാന്‍ രജനികാന്തും കുടുംബവും ശ്രമിച്ചെങ്കിലും നടന്നില്ല. 2004 നവംബറിലാണ് ധനുഷും ഐശ്വര്യ രജിനികാന്തും വിവാഹം കഴിക്കുന്നത്. ഇരുവരുടെയും കുടുംബങ്ങള്‍ മുമ്പ് തന്നെ അടുത്ത സൗഹൃദത്തിലായിരുന്നു.
