വണ്‍മിനുട്ട് മ്യൂസിക്കുമായി ഇന്‍സ്റ്റാഗ്രമില്‍ ഗായകരെല്ലാം എത്തുകയാണ്. അഭയ ഹിരണ്‍മയിയായിരുന്നു ആദ്യം വണ്‍മിനുട്ട് വീഡിയോയുമായെത്തിയത്. തന്റെ വീഡിയോ ഏറ്റെടുത്ത എല്ലാവര്‍ക്കും സ്നേഹവും നന്ദിയുമെന്ന് അവര്‍ പറഞ്ഞിരുന്നു.
ഇപ്പോഴിതാ ഇത് ഏറ്റെടുത്തിരിക്കുകയാണ് ഗോപി സുന്ദറും അമൃത സുരേഷും. ഇരുവരും വണ്‍മിനുട്ട് വീഡിയോയുമായെത്തുകയാണ്.
എന്റെ വണ്‍മിനുട്ട് മ്യൂസിക് റിലീസ് ചെയ്യാന്‍ പോവുകയാണ്. എന്റെ ഇന്‍സ്റ്റഗ്രാമിലൂടെയായി ഓഗസ്റ്റ് ഒന്നിനാണ് വീഡിയോ റിലീസ് ചെയ്യുന്നതെന്നായിരുന്നു ഗോപി സുന്ദര്‍ അറിയിച്ചത്. കാത്തിരിക്കുകയാണ്, വേഗം വരണം എന്ന കമന്റുകള്‍ക്കൊപ്പം തന്നെ വല്യ എക്സൈറ്റ്മെന്റൊന്നുമില്ല തുടങ്ങിയ പ്രതികരണങ്ങളുമുണ്ട്.
പതിവ് പോലെ തന്നെ ഇത്തവണയും ഇരുവര്‍ക്കുമെതിരെ വിമര്‍ശനങ്ങളുമായും ചിലരെത്തിയിരുന്നു.