മഞ്ജു വാര്യര്‍ക്ക് പിറന്നാള്‍ ആശംസകള്‍ നേര്‍ന്ന് ബിജെപി നേതാവ് ശോഭ സുരേന്ദ്രനും. പ്രതിസന്ധികളെ അവസരമാക്കി മാറ്റി ഉയിര്‍ത്തെഴുന്നേല്‍ പെണ്‍കുട്ടികള്‍ക്കും സ്ത്രീകള്‍ക്കും മഞ്ജു പ്രചോദനമാണെന്ന് ശോഭ സുരേന്ദ്രന്‍ ഫെയ്‌സ്ബുക്കില്‍ കുറിച്ചു. അഭിപ്രായങ്ങളും നിലപാടുകളും ആര്‍ജ്ജവത്തോടെ തുറന്നു പറയുമ്പോഴും ആരെയും മുറിവേല്‍പ്പിക്കാതിരിക്കാനുള്ള കരുതലിന്റെ പേര് കൂടിയാണ് മഞ്ജു എന്നും ശോഭ പറയുന്നു.
ശോഭ സുരേന്ദ്രന്റെ കുറിപ്പ്:
രാജ്യത്തിനു മുന്നില്‍ മലയാള സിനിമയുടെയും മലയാളി സമൂഹത്തിന്റെയും അഭിമാനമായ പ്രിയ അഭിനേത്രി മഞ്ജു വാര്യര്‍ക്ക് മനസ്സുനിറഞ്ഞ ജന്മദിന ആശംസകള്‍. കലര്‍പ്പില്ലാത്ത പ്രതിഭാ സ്പര്‍ശം കൊണ്ട് മലയാള സിനിമയിലെ ലേഡി സൂപ്പര്‍ സ്റ്റാര്‍ ആയി മാറാന്‍ കഴിഞ്ഞ മഞ്ജു, പ്രതിസന്ധികളെ അവസരമാക്കി മാറ്റി ഉയിര്‍ത്തെഴുന്നേല്‍ക്കാന്‍ പെണ്‍കുട്ടികള്‍ക്കും സ്ത്രീകള്‍ക്കും പ്രചോദനമാണ്.
വ്യക്തിപരമായ അനുഭവത്തില്‍ നിന്നു കൂടിയാണ് ഇത് പറയുന്നത്. സ്വന്തം അഭിപ്രായങ്ങളും നിലപാടുകളും ആര്‍ജ്ജവത്തോടെ തുറന്നു പറയുമ്പോഴും ആരെയും മുറിവേല്‍പ്പിക്കാതിരിക്കാനുള്ള കരുതലിന്റെ പേര് കൂടിയാണ് മഞ്ജു വാര്യര്‍. ഹൃദയപൂര്‍വ്വം, ആരോഗ്യവും സമാധാനവും തികഞ്ഞ ദീര്‍ഘായുസ്സ് നേരുന്നു.