സുധ കൊങ്കര സംവിധാനം ചെയ്ത ചിത്രം ‘സൂരറൈ പോട്രി’ന്റെ ബോളിവുഡ് റീമേക്ക് റിലീസ് തീയതി പ്രഖ്യാപിച്ചു. സെപ്റ്റംബര്‍ 1ന് ചിത്രം ലോകമെമ്പാടുമുള്ള തിയറ്ററുകളില്‍ റിലീസ് ചെയ്യും. അക്ഷയ് കുമാര്‍ നായകനായി എത്തുന്ന ചിത്രം സുധ കൊങ്കര തന്നെയാണ് ബോളിവുഡിലും ഈ ചിത്രം സംവിധാനം ചെയ്യുന്നത്.
അപര്‍ണ ബാലമുരളി അവതരിപ്പിച്ച ബൊമ്മി എന്ന കഥാപാത്രമായി രാധിക മധന്‍ എത്തുന്നു. സൂര്യയുടെ നിര്‍മാണക്കമ്പനിയായ 2 ഡി എന്റര്‍ടെയ്ന്‍മെന്റ്‌സും വിക്രം മല്‍ഹോത്ര എന്റര്‍ടെയ്ന്‍മെന്റും ചേര്‍ന്നാണ് നിര്‍മാണം.
ചുരുങ്ങിയ ചിലവില്‍ സാധാരണക്കാര്‍ക്കു കൂടി യാത്രചെയ്യാന്‍ കഴിയുന്ന എയര്‍ ഡെക്കാന്‍ സ്ഥാപകന്‍ ക്യാപ്റ്റന്‍ ഗോപിനാഥിന്റെ ജീവിതത്തെ ആസ്പദമാക്കിയുള്ള ചിത്രമായിരുന്നു സൂരരൈ പോട്ര്. 68ാമത് ദേശീയ ഫിലിം അവാര്‍ഡില്‍ അഞ്ച് പുരസ്‌കാരങ്ങളാണ് ചിത്രം വാരിക്കൂട്ടിയത്.
Read more
അതേസമയം, അക്ഷയ് കുമാര്‍ നായകനായി എത്തിയ ‘സെല്‍ഫി’ എന്ന ചിത്രം ബോക്‌സ്ഓഫിസില്‍ കനത്ത പരാജയമാണ് നേരിടേണ്ടി വന്നത്. പൃഥ്വിരാജ് നായകനായി എത്തിയ ‘ഡ്രൈവിങ് ലൈസന്‍സി’ന്റെ ഹിന്ദി റീമേക്ക് ആയിരുന്നു ‘സെല്‍ഫി’. നാല് തെന്നിന്ത്യന്‍ ചിത്രങ്ങളുടെ റീമേക്കുകളിലാണ് 2020ന് ശേഷം അക്ഷയ് കുമാര്‍ അഭിനയിച്ചത്.
