കഴിഞ്ഞ ദിവസം നടന് മനോജ് കുമാര്‍ യൂട്യൂബില്‍ പങ്കുവച്ച ഒരു വീഡിയോ വന്‍ വിവാദമായിരുന്നു. ‘എന്റെ ഭാര്യ എന്നെ ഉപേക്ഷിച്ചു പോയി. പക്ഷെ ഞാന്‍ തോല്‍ക്കില്ല’ എന്ന തംപ്നെയിലോടു കൂടെയായിരുന്നു വീഡിയോ.
എന്നാല്‍ വീഡിയോയില്‍ മനോജ് പറയുന്നത് ഭാഗ്യലക്ഷ്മി എന്ന സീരിയലിലെ ഭാര്യ വിട്ട് പോയതിനെ കുറിച്ചാണ്. അതിന്റെ പേരില്‍ പല രീതിയിലുള്ള വിമര്‍ശനവും നടന് നേരിടേണ്ടി വന്നു. അവസാനം തംപ്നെയില്‍ മാറ്റിയ താരം ഇപ്പോള്‍ വിഷയത്തില്‍ മാപ്പ് പറഞ്ഞ് എത്തിയിരിയ്ക്കുകയാണ്.
മാപ്പ്, തെറി പറഞ്ഞവരോടും സങ്കടം പറഞ്ഞവരോടും പരിഭവിച്ചവരോടും എന്റെ ഭാര്യയോടും മാപ്പ്. ഒരു വീഡിയോ പോസ്റ്റ് ചെയ്തിട്ട് ആദ്യമായിട്ടാണ് ഇത്രയധികം വിമര്‍ശനങ്ങള്‍ നേരിടുന്നത്. അതില്‍ എനിക്ക് വിഷമമുണ്ട്.
അങ്ങനെ ഒരു ടൈറ്റില്‍ ആ വീഡിയോയ്ക്ക് കൊടുക്കാന്‍ കാരണം, ആ വീഡിയോ പരമാവധി എല്ലാവരിലും എത്തണം എന്ന് കരുതിയാണ്. ഭാഗ്യലക്ഷ്മി എന്ന എന്റെ പുതിയ സീരിയലിലെ ടൈറ്റില്‍ റോളില്‍ നിന്നും സോണിയ പിന്മാറിയപ്പോള്‍ പകരം വരുന്ന ആളെ പ്രേക്ഷകര്‍ക്ക് അംഗീകരിക്കാന്‍ അല്പം പ്രയാസം തോന്നും. അത് കാരണം സീരിയലിന്റെ റേറ്റിങ് താഴും. അക്കാര്യം പറഞ്ഞ് സംവിധായകന്‍ മനോജിന് ഭയങ്കര ടെന്‍ഷനായിരുന്നു. കഴിയുന്നത്ര ഓഡിയന്‍സില്‍ ഇക്കാര്യം അറിയിക്കണം എന്ന് സംവിധായകന്‍ മനോജ് പറഞ്ഞു. അത് പ്രകാരമാണ് ഒരു വീഡിയോ ചെയ്യാം എന്നും അതിന് ഈ രീതിയില്‍ ടൈറ്റില്‍ നല്‍കാം എന്നും എന്റെ പൊട്ട ബുദ്ധിയില്‍ തോന്നിയത്. അദ്ദേഹം കൂട്ടിച്ചേര്‍ത്തു.