സൗബിന്‍ ഷാഹിര്‍, നമിത പ്രമോദ് എന്നിവരെ കേന്ദ്രകഥാപാത്രങ്ങളാക്കി ബോബന്‍ സാമുവല്‍ സംവിധാനം ചെയ്യുന്ന പുതിയ ചിത്രത്തിന്റെ ചിത്രീകരണം തുടങ്ങി. അബാം മൂവീസിന്റെ ബാനറില്‍ ഏബ്രഹാം മാത്യുവാണ് ഈ ചിത്രം നിര്‍മ്മിക്കുന്നത്. തികഞ്ഞ ഒരു കുടുംബകഥയാണ് ഈ ചിത്രത്തിലൂടെ അവതരിപ്പിക്കുന്നതെന്ന് അണിയറക്കാര്‍ അറിയിക്കുന്നു.
ബസ് കണ്ടക്ടറായ സജീവനാണ് സൗബിന്റെ കഥാപാത്രം. ഭാര്യ മെഡിക്കല്‍ ഷോപ്പ് ജീവനക്കാരി ലിജിമോളായി നമിതയും എത്തുന്നു. ദിലീഷ് പോത്തനും ശാന്തികൃഷ്ണയും പ്രധാന വേഷം കൈകാര്യം ചെയ്യുന്ന ചിത്രത്തില്‍ മനോജ് കെ യു, വിനീത് തട്ടില്‍, ദര്‍ശന സുദര്‍ശന്‍, ശ്രുതി ജയന്‍, ആര്യ എന്നിവരും അഭിനയിക്കുന്നു.
ജക്‌സന്‍ ആന്റണിയുടെ കഥക്ക് അജീഷ് തോമസ് തിരക്കഥ രചിച്ചിരിക്കുന്നു. സിന്റോ സണ്ണിയുടെ വരികള്‍ക്ക് ഔസേപ്പച്ചനാണ് ഈണം പകര്‍ന്നിരിക്കുന്നത്. ഛായാഗ്രഹണം വിനോദ് മേനോന്‍, കലാസംവിധാനം സഹസ് ബാല.
മുളന്തുരുത്തി, മാള, അന്നമനട, എന്നിവിടങ്ങളിലായി ഈ ചിത്രത്തിന്റെ ചിത്രീകരണം പൂര്‍ത്തിയാകും. പിആര്‍ഒ വാഴൂര്‍ ജോസ്, ഫോട്ടോ ഗിരി ശങ്കര്‍.