നിമിഷ സജയനും രജിഷയും ഒന്നിക്കുന്ന പുതിയ ചിത്രം “സ്റ്റാന്‍ഡ് അപ്പി”ലെ തീം സോംഗ് പുറത്ത്. നടന്‍ ടൊവിനോ തോമസിന്റെ പേജിലൂടെയാണ് ഗാനം പുറത്ത് വിട്ടിരിക്കുന്നത്. മലയാളവും ഇംഗ്ലീഷും ഉള്‍പ്പെടുന്ന ഗാനം കവിയത്രി ബിലു പദ്മിനി നാരായണനും വര്‍ക്കിയും ചേര്‍ന്നാണ് രചന.
വര്‍ക്കി സംഗീത സംവിധാനം ചെയ്ത ഗാനം ശ്രുതി ഫിലിപ്പ്, സയനോര ഫിലിപ്പ്, വര്‍ക്കി എന്നിവര്‍ ചേര്‍ന്നാണ് ആലപിച്ചിരിക്കുന്നത്. “മാന്‍ഹോള്‍” എന്ന ചിത്രത്തിന ശേഷം വിധു വിന്‍സെന്റ് സംവിധാനം ചെയ്യുന്ന ചിത്രമാണ് സ്റ്റാന്‍ഡ് അപ്പ്. മാന്‍ഹോളിന്റെ തിരക്കഥ രചിച്ച ഉമേഷ് ഓമനക്കുട്ടനാണ് ഈ ചിത്രത്തിന്റെയും തിരക്കഥയൊരുക്കുന്നത്.
ബി.ഉണ്ണികൃഷ്ണനും ആന്റോ ജോസഫും ചേര്‍ന്നാണ് ചിത്രം നിര്‍മിക്കുന്നത്. ടോബിന്‍ തോമസാണ് ഛായാഗ്രഹണം. സ്റ്റാന്‍ഡ് അപ്പ് കൊമേഡിയനായ കീര്‍ത്തിയുടെയും സുഹൃത്തുക്കളുടെയും ജീവിതത്തില്‍ നടക്കുന്ന ചില സംഭവങ്ങളാണ് ചിത്രത്തിന്റെ പ്രമേയം. അര്‍ജുന്‍ അശോക്, വെങ്കിടേശ്, സീമ, നിസ്താര്‍ സേഠ്, സജിത മഠത്തില്‍, ജോളി ചിറയത്ത്, രാജേഷ് ശര്‍മ്മ, സുനില്‍ സുഖദ, ജുനൈസ്, ദിവ്യാ ഗോപിനാഥന്‍ തുടങ്ങിയ താരങ്ങളും ചിത്രത്തിലെത്തുന്നുണ്ട്.