നടി മഞ്ജു പിള്ളയും ഛായാഗ്രാഹകന്‍ സുജിത് വാസുദേവും വേര്‍പിരിഞ്ഞു. ഏറെ നാളുകളായി ഇരുവരും വിവാഹമോചനം ചെയ്തുവെന്ന അഭ്യൂഹങ്ങള്‍ എത്തിയിരുന്നു. എന്നാല്‍ ഇതിനോട് മഞ്ജുവോ സുജിത്തോ പ്രതികരിച്ചിരുന്നില്ല. സുജിത്ത് വാസുദേവ് ആണ് ഒരു യൂട്യൂബ് ചാനലിന് നല്‍കിയ അഭിമുഖത്തിനിടെ ഇക്കാര്യത്തില്‍ വ്യക്തത വരുത്തിയത്.
മഞ്ജു പിള്ളയുടെ അടുത്ത കാലത്തെ സിനിമയായ ‘ഹോം’, ‘ഫാലിമി’ എന്നീ സിനിമകളിലെ പ്രകടനത്തെ കുറിച്ചുള്ള ചോദ്യത്തിനാണ് സുജിത്ത് വ്യക്തിജീവിതത്തെ കുറിച്ച് മറുപടി നല്‍കിയത്. ”ഒരു സുഹൃത്ത് എന്ന നിലയില്‍ നോക്കി കാണുമ്പോള്‍ ഒരാള്‍ വലിയ നിലയില്‍ എത്തുന്നത് കാണുന്നതില്‍ സന്തോഷമുണ്ട്.”
”സുഹൃത്ത് എന്ന് പറയാന്‍ കാരണം, 2020 മുതല്‍ മഞ്ജുവുമായി അകന്നു കഴിയുകയും പോയ മാസം ഡിവോഴ്‌സ് ചെയ്യുകയും ചെയ്തു. മഞ്ജുവിന്റെ മികച്ച പ്രകടനത്തെ കുറിച്ച് പരസ്പരം ചര്‍ച്ച ചെയ്യുകയും ഇപ്പോഴും സൗഹൃദബന്ധം നിലനിര്‍ത്തുന്നുമുണ്ട്.”
”സിനിമയിലേക്കുള്ള ചുവടുവയ്പ്പിന് മഞ്ജു വഹിച്ച പങ്ക് വളരെ വലുതാണ്” എന്നാണ് സുജിത്ത് വാസുദേവ് പറയുന്നത്. മലയാള സിനിമയിലെ മുന്‍നിര ഛായാഗ്രാഹകരില്‍ ഒരാളാണ് സുജിത്ത് വാസുദേവന്‍. ‘ലൂസിഫര്‍’ സിനിമയുടെ ഛായാഗ്രാഹകനായ സുജിത്ത് തന്നെ ‘എമ്പുരാന്‍’ ചിത്രത്തിനും ഛായാഗ്രഹണം നിര്‍വ്വഹിക്കുന്നത്.
Read more
സീരിയല്‍ ലോകത്തെ പരിചയമാണ് സുജിത്തിന്റെയും മഞ്ജുവിന്റെയും വിവാഹത്തില്‍ കലാശിച്ചത്. 2000ല്‍ ആയിരുന്നു ഇവരുടെ വിവാഹം. ഇവരുടെ ഏക മകള്‍ ദയ ഇറ്റലിയില്‍ ഫാഷന്‍ ഡിസൈനിങ് പഠിക്കുകയാണ്. ദിയയുടെ പോസ്റ്റുകള്‍ സോഷ്യല്‍ മീഡിയയില്‍ ശ്രദ്ധ നേടാറുണ്ട്.
