ശ്രീനാഥ് ഭാസിയും ബാലു വര്‍ഗീസും കേന്ദ്ര കഥാപാത്രങ്ങളായി എത്തുന്ന “സുമേഷ് ആന്‍ഡ് രമേഷ്” ചിത്രത്തിന്റെ ടീസര്‍ പുറത്ത്. പൊട്ടിച്ചിരിപ്പിക്കുന്ന ടീസറിന് സോഷ്യല്‍ മീഡിയയില്‍ വന്‍വരവേല്‍പ്പാണ് ലഭിക്കുന്നത്. തിരക്കഥാകൃത്ത് സനൂപ് തൈക്കുടം ആണ് ചിത്രം സംവിധാനം ചെയ്യുന്നത്.
നാട്ടിന്‍പുറത്തുള്ള രണ്ട് യുവാക്കളുടെ കഥയാണ് ചിത്രം പറയുന്നത്. രമേഷിന്റെയും സുമേഷിന്റെയും അച്ഛനും അമ്മയുമായി സലിം കുമാറും പ്രവീണയുമാണ് എത്തുന്നത്. വൈറ്റ്സാന്‍ഡ് മീഡിയ ഹൗസ് പ്രൊഡക്ഷന്റെ ബാനറില്‍ ഫരീദ് ഖാനും കെഎല്‍7 എന്റര്‍ടെയ്ന്‍മെന്റ്സും ചേര്‍ന്നാണ് ചിത്രം നിര്‍മിക്കുന്നത്.
സനൂപ് തൈക്കുടവും ജോസഫ് വിജേഷും ചേര്‍ന്നാണ് ചിത്രത്തിന് തിരക്കഥ ഒരുക്കുന്നത്. ഷാലീല്‍ അസീസ്, ഷിബു എന്നിവര്‍ സഹനിര്‍മാതാക്കളാണ്. യാക്സാന്‍ ഗാരി പെരേര, നേഹ നായര്‍ എന്നിവര്‍ ചേര്‍ന്നാണ് സംഗീതമൊരുക്കുന്നത്.