‘മേം ഹൂം മൂസ’ സിനിമ ഏറ്റെടുത്ത് പ്രേക്ഷകര്‍. സിനിമയ്ക്ക് ലഭിക്കുന്ന മികച്ച പ്രതികരണങ്ങള്‍ക്ക് നന്ദി പറഞ്ഞിരിക്കുകയാണ് സുരേഷ് ഗോപി. ഫെയ്‌സ്ബുക്ക് ലൈവിലൂടെയാണ് സുരേഷ് ഗോപി നന്ദി പറഞ്ഞ്. ജിബു ജേക്കബ് സംവിധാനം ചെയ്ത ചിത്രത്തില്‍ ലന്‍സ് നായക് മൂസ എന്ന കഥാപാത്രമായാണ് സുരേഷ് ഗോപി വേഷമിട്ടത്.
ചിത്രം ഒക്ടോബര്‍ 5ന് ഇന്ത്യയിലെ മറ്റ് സംസ്ഥാനങ്ങളിലും 6-ാം തീയതി ജിസിസി റിലീസും ചെയ്യുമെന്നും സുരേഷ് ഗോപി വ്യക്തമാക്കി. വീട്ടുകാരും നാട്ടുകാരും ഒരു പോലെ മരിച്ചുവെന്നു കരുതിയ ജവാന്‍ 19 വര്‍ഷങ്ങള്‍ക്ക് ശേഷം പാകിസ്ഥാന്‍ തടവില്‍ നിന്നും മോചിതനായി ഇന്ത്യയിലേക്ക് തിരിച്ചെത്തുന്നതാണ് മേ ഹൂം മൂസ സിനിമ പറയുന്നത്.
തികച്ചും നല്ലൊരു ഫാമിലി എന്റര്ടൈന്മെന്റ് സിനിമയാണ് മേ ഹൂം മൂസ എന്നാണ് പ്രേക്ഷകരുടെ അഭിപ്രായം. പൂനം ബജ്‌വ ആണ് ചിത്രത്തില്‍ നായിക. അശ്വിനി റെഡ്ഡി, സൈജു ക്കുറുപ്പ്, ജോണി ആന്റണി, സലിം കുമാര്‍, ഹരീഷ് കണാരന്‍, മേജര്‍ രവി, മിഥുന്‍ രമേഷ്, ശശാങ്കന്‍ മയ്യനാട്, ശ്രിന്ദ എന്നിവരാണ് ചിത്രത്തിലെ മറ്റ് കഥാപാത്രങ്ങള്‍.
രൂപേഷ് റെയ്ന്‍ ആണ് ചിത്രത്തിന് തിരക്കഥ ഒരുക്കിയത്. കോണ്‍ഫിഡന്റ് ഗ്രൂപ്പ്, തോമസ് തിരുവല്ലാ ഫിലിംസ് എന്നീ ബാനറുകളില്‍ ഡോ. സി.ജെ റോയ്, തോമസ് തിരുവല്ല എന്നിവരാണ് ചിത്രം നിര്‍മ്മിച്ചിരിക്കുന്നത്. സെപ്റ്റംബര്‍ 30ന് ആണ് ചിത്രം തിയേറ്ററുകളില്‍ എത്തിയത്.