‘കാതല്‍’ സിനിമയുടെ ഷൂട്ടിംഗ് തിരക്കുകളിലാണ് മമ്മൂട്ടിയും ജ്യോതികയും. ജിയോ ബേബി സംവിധാനം ചെയ്യുന്ന ചിത്രത്തിന്റെ സെറ്റില്‍ എത്തിയിരിക്കുകയാണ് സൂര്യ. കാതലിന്റെ സെറ്റിലേക്ക് സൂര്യ വന്നതിന്റെ വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്.

മലയാളത്തിന്റെ മെഗാ സ്റ്റാറിനൊപ്പം നടിപ്പിന്‍ നായകന്‍ എന്ന് കുറിച്ചു കൊണ്ടാണ് പലരും വീഡിയോ ഷെയര്‍ ചെയ്തിരിക്കുന്നത്. മമ്മൂട്ടിക്കും ജ്യോതികയ്ക്കും ഒപ്പമിരുന്ന് ഭക്ഷണം കഴിക്കാനായി തയ്യാറെടുക്കുന്ന സൂര്യയുടെ ചിത്രവും പുറത്തു വന്നിട്ടുണ്ട്. ഇതോടെ കാതലില്‍ സൂര്യയും അഭിനയിക്കുന്നുണ്ടോ എന്നാണ് ആരാധകര്‍ ചോദിക്കുന്നത്.

ഈ ഒക്ടോബറിലാണ് കാതലിന്റെ ഷൂട്ടിംഗ് ആരംഭിച്ചത്. മമ്മൂട്ടിക്കൊപ്പം ജ്യോതിക ആദ്യമായി അഭിനയിക്കുന്ന ചിത്രമാണിത്. 12 വര്‍ഷത്തിന് ശേഷമാണ് ജ്യോതിക വീണ്ടും മലയാളത്തില്‍ അഭിനയിക്കുന്നത്. നടിയുടെ പിറന്നാള്‍ ദിനത്തിലാണ് ചിത്രം പ്രഖ്യാപിച്ചത്.

ചിത്രത്തില്‍ രാഷ്ട്രീയക്കാരനായാണ് മമ്മൂട്ടി വേഷമിടുന്നത്. ചിത്രീകരണത്തിനായി വച്ചിരിക്കുന്ന ഒരു ഫ്ളക്സിന്റെ ചിത്രം സോഷ്യല്‍ മീഡിയയില്‍ പ്രചരിച്ചിരുന്നു. ”തീക്കോയി ഗ്രാമ പഞ്ചായത്ത് 3-ാം വാര്‍ഡ് ഇടത് സ്വതന്ത്ര സ്ഥാനാര്‍ഥി മാത്യു ദേവസിയെ വിജയിപ്പിക്കുക” എന്നാണ് മമ്മൂട്ടിയുടെ ചിത്രമുള്ള ഫ്ളെക്സില്‍ എഴുതിയിരിക്കുന്നത്.

• @Suriya_offl Anna ❤️At @mammukka – #Jyotika ‘s #KaathalTheCore Film Sets Today | Can Expect A Pic Of Mollywood MegaStar & Naddippin Nayagan Together 🔥😉 #Suriya42 #Vaadivaasal #EtharkkumThunindhavan pic.twitter.com/HwOAVFaUIF

— Suriya Fans Club ™ (@SuriyaFansClub) November 9, 2022

ലാലു അലക്‌സ്, മുത്തുമണി, ചിന്നു ചാന്ദിനി, സുധി കോഴിക്കോട്, അനഘ അക്കു, ജോസി സിജോ, ആദര്‍ശ് സുകുമാരന്‍ തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ചിത്രത്തിന്റെ തിരക്കഥ നിര്‍വഹിച്ചിരിക്കുന്നത് ആദര്‍ഷ് സുകുമാരനും പോള്‍സണ്‍ സ്‌കറിയയും ചേര്‍ന്നാണ്. സംഗീതം മാത്യൂസ് പുളിക്കന്‍ ആണ്.