മമ്മൂട്ടിയുടെ മാമാങ്കത്തിനും മോഹന്‍ലാലിന്റെ അറബിക്കടലിന്റെ സിംഹത്തിനും പിന്നാലെ മറ്റൊരു ചരിത്ര സിനിമ കൂടി അണിയറയിലൊരുങ്ങുന്നു. പതിനെട്ടാം നൂറ്റാണ്ടില്‍ മലബാറിലെ വയനാട് തരിയോടില്‍ നടന്ന സ്വര്‍ണഖനനത്തിന്റെ ചരിത്രം പറയുന്നചിത്രമാണിത്.
തരിയോട് എന്ന ഡോക്യുമെന്ററിക്ക് പിന്നണിയിലുള്ള നിര്‍മല്‍ ബേബി വര്‍ഗീസ് സംവിധാനം ചെയ്യുന്ന ചിത്രത്തില്‍ ഹോളിവുഡില്‍ നിന്നുള്ള പ്രമുഖര്‍ ഭാഗമാകുന്നുണ്ട്. മലയാളത്തിനും ഇംഗ്ലീഷിനും പുറമെ രാജ്യത്തെ മറ്റു പ്രമുഖ ഭാഷകളിലും ചിത്രം പുറത്തിറങ്ങുന്നുണ്ടെന്നാണ് സൂചന.
ആസ്‌ട്രേലിയന്‍-ബ്രിട്ടീഷ് നടനായ ബില്‍ ഹച്ചന്‍സാണ് ചിത്രത്തിലെ പ്രധാന വേഷം കൈകാര്യം ചെയ്യുക എന്നാണ് സൂചന. ഡോക്യുമെന്ററിക്ക് സംഗീത സംവിധാനമൊരുക്കിയ ബ്രിട്ടീഷ് സംഗീത സംവിധായകന്‍ ഒവൈന്‍ ഹോസ്‌കിന്‍സ് തന്നെയായിരിക്കും സിനിമയുടെയും സംഗീത സംവിധായകന്‍.
ആസ്‌ട്രേലിയന്‍ പ്രൊഡക്ഷന്‍ കമ്പനി ഈ ചിത്രത്തിന്റെ നിര്‍മാണവുമായി സഹകരിക്കാന്‍ താല്‍പര്യം പ്രകടിപ്പിച്ചിട്ടുണ്ട്.