വിജയ് നായകനായി എത്തിയ ഏറ്റവും പുതിയ ചിത്രം ചിത്രം ദ ഗോട്ട് ഗംഭീര പ്രകടനമാണ് കാഴ്ചവച്ചുകൊണ്ടിരിക്കുന്നത്. ഇതിനോടകം തന്നെ ദളപതി ചിത്രം തമിഴ്നാട്ടിൽ 150 കോടി ക്ലബിലെത്തിയിട്ടുമുണ്ട്. അങ്ങനെയിരിക്കെ വിജയ്‌യെ സംബന്ധിച്ചെടുത്തോളം ഏറെ ആഹ്ളാദകരമായ ഒരു വർത്തയാണിപ്പോൾ പുറത്ത് വരുന്നത്. തമിഴ് നടൻ രജനികാന്തിനെ മറികടന്ന് വലിയൊരു നേട്ടം കൊയ്തിരിക്കുകയാണ് വിജയ്.
വിജയ് നായകനായ രണ്ടാമത്തെ ചിത്രമാണ് തമിഴ്നാട്ടിൽ നിന്ന് മാത്രമായി 150 കോടി ക്ലബിലെത്തുന്നത്. നേരത്തെ ലിയോയാണ് വിജയ്‌യുടേതായി 150 കോടി ക്ലബില്‍ തമിഴ്നാട്ടിൽ മാത്രമായി എത്തിയത്. ഇതിന് പിന്നാലെയാണിപ്പോൾ ഗോട്ടും 150 കോടി മറികടന്നത്. ഇതിലൂടെ വലിയൊരു നേട്ടമാണ് വിജയ് നേടിയത്. തമിഴ്നാട്ടിൽ നിന്ന് രണ്ട് തവണ 150 കോടി ക്ലബില്‍ എത്തിയ ഒരേയൊരു നായക താരവുമാവുകയാണ് വിജയ് ഇപ്പോൾ.
സിനിമ ഇറങ്ങി ഇതിനോടകം തന്നെ ദ ഗോട്ട് ആഗോളതലത്തില്‍ 350 കോടി രൂപയിലധികം നേടിയിട്ടുണ്ടെന്നാണ് കണക്ക്. 2024ല്‍ ഹിറ്റായ മഹാരാജയുടെ ലൈഫ്‍ടൈം കളക്ഷൻ മറികടന്ന് മുന്നേറിയിരിക്കുകയാണ് ഗോട്ട്. രജനികാന്തിന്റെ ജയിലര്‍ 150 കോടി കളക്ഷനില്‍ അധികം തമിഴ്നാട്ടിൽ നിന്ന് നേടിയിട്ടുണ്ട്.