പത്താനിലെ ലുക്ക്, ഷാരൂഖിന് വേണ്ടി പൊടിച്ചത് ലക്ഷങ്ങള്‍

ഷാരൂഖിന്റെ ‘പത്താന്‍’ സ്‌റ്റൈലിന് വേണ്ടി പൊടിച്ചത് ലക്ഷങ്ങളെന്ന് റിപ്പോര്‍ട്ടുകള്‍. ഗാനത്തിലെ ബീച്ച് സീനുകളില്‍ ഷാറൂഖ് അണിഞ്ഞതെല്ലാം ആഢംബര ബ്രാന്‍ഡുകളുടെ ഉല്‍പന്നങ്ങളായിരുന്നു. ‘

ബേശരം രംഗിലെ സീനുകളില്‍ ഏകദേശം പതിനായിരം രൂപ വിലമതിക്കുന്ന ഓള്‍ സെയിന്റിസിന്റെ ഫ്‌ലോറല്‍ ഷര്‍ട്ടാണ് ഷാരൂഖ് അണിഞ്ഞിരിക്കുന്നത്്. ഇതോടൊപ്പം ധരിച്ചിരിക്കുന്ന ഐവന്റെ ടൈറ്റാനിയം ഫ്രെയിമുള്ള സണ്‍ഗ്ലാസിന്റെ വില41000ആണ്. പാട്ടിലെ ഓള്‍ സെയിന്റ്‌സിന്റെ കറുത്ത ഷര്‍ട്ടിന് 11,900രൂപയാണ് വില. ഇതോടൊപ്പമുള്ള ഷിവോന്‍ചിയുടെ ബെല്‍റ്റിന് വില 32000രൂപയും. ഷിവോന്‍ചിയുടെ തന്നെ സ്‌നീക്കേഴ്‌സിന് 42000രൂപ വിലയുണ്ട്.

ഗ്രെഗ് ലോറന്റെ പച്ച കാര്‍ഗോ ട്രൗസറിന്റെ വില 1,31000രൂപയാണ്.സണ്‍ഗ്ലാസിന് ് ഏകദേശം 42000 രൂപയ്ക്കടുത്താണ് വില, ഇതൊടൊപ്പം ധരിച്ചിരിക്കുന്ന ഗോള്‍ഡന്‍ ഗ്യൂസിന്റെ ലതര്‍ സ്‌നീക്കേഴ്‌സിന് 51700രൂപയാകും.

ജൂമേ ജോ പത്താന്‍ എന്ന രണ്ടാം ഗാനത്തില്‍ ഷാരൂഖ് ധരിച്ചിരിക്കുന്ന ബാല്‍മെയ്ന്‍ കാക്കി ആര്‍മി സ്‌നീക്കേഴ്‌സിന്റെ വില മാത്രം 77000രൂപയാണ്. പത്താന്റെ പ്രചാരണ പരിപാടിയില്‍ ചാറ്റ് ഷോയില്‍ പങ്കെടുത്തപ്പോള്‍ ധരിച്ച ഡിയോറിന്റെ നേവി ബ്ലൂ ഹൂഡിക്ക് 2,00000 രൂപയും ഗോള്‍ഡന്‍ ഗ്യൂസിന്റെ വെള്ള സ്‌നീക്കേഴ്‌സിന് 51000രൂപയും ഡയാഗിന്റെ ജീന്‍സിന് 77,000 രൂപയുമായിരുന്നു വില.

2020ല്‍ തുടങ്ങിയ ചിത്രത്തിന്റെ ഷൂട്ടിങ് കോവിഡ് മൂലം ഇടയ്ക്ക് നിര്‍ത്തിവയ്ക്കേണ്ടിവന്നിരുന്നു. മൂംബൈ,ദുബായ്, സ്പെയിന്‍,ഇറ്റലി, ഫ്രാന്‍സ്,റഷ്യ, തുര്‍ക്കി എന്നിവടങ്ങളിലായിട്ടാണ് ചിത്രീകരണം പൂര്‍ത്തിയാക്കിയത്. ആദിത്യ ചോപ്ര നിര്‍മിക്കുന്ന ചിത്രം സിദ്ധാര്‍ഥ് ആനന്ദാണ് സംവിധാനം ചെയ്തിരിക്കുന്നത്.