ഈ വര്‍ഷത്തെ മികച്ച രണ്ടാമത്തെ ചിത്രത്തിനും മികച്ച കഥയ്ക്കുമുള്ള കേരള സംസ്ഥാന ചലച്ചിത്ര പുരസ്‌കാരം നേടിയ ‘തിങ്കളാഴ്ച നിശ്ചയം’ ചിത്രത്തിന്റെ ട്രെയ്‌ലര്‍ പുറത്ത്. സെന്ന ഹെഗ്ഡെ സംവിധാനം ചെയ്ത ചിത്രം ഇരുപത്തിയഞ്ചാമത് ഐഎഫ്എഫ്‌കെയില്‍ പ്രേക്ഷകശ്രദ്ധ ആകര്‍ഷിച്ചിരുന്നു. പുഷ്‌കര്‍ ഫിലിംസിന്റെ ബാന്നറില്‍ പുഷ്‌കര മല്ലികാര്‍ജ്ജുനയ്യ ആണ് ചിത്രം നിര്‍മ്മിച്ചിരിക്കുന്നത്.
അനഘ നാരായണന്‍, ഐശ്വര്യ സുരേഷ്, അജിഷ പ്രഭാകരന്‍, അനുരൂപ് പി, അര്‍ജുന്‍ അശോകന്‍, അര്‍പ്പിത് ഹെഗ്ഡെ, മനോജ് കെ.യു, രഞ്ജി കന്‍കോല്‍, സജിന്‍ ചെറുകയില്‍, സുനില്‍ സൂര്യ, ഉണ്ണിമായ നാലപ്പാടം എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. കാസര്‍ഗോഡ് ജില്ലയിലെ കാഞ്ഞങ്ങാട് എന്ന സ്ഥലത്താണ് ചിത്രത്തിലെ കഥ നടക്കുന്നത്.
വ്യത്യസ്തമായ ഭാഷ കൊണ്ടും അവതരണം കൊണ്ടും ട്രൈലര്‍ ശ്രദ്ധ നേടുകയാണ്. സെന്ന ഹെഗ്ഡെയും ശ്രീരാജ് രവീന്ദ്രനും ചേര്‍ന്നാണ് ചിത്രത്തിന് സംഭാഷണം ഒരുക്കിയിരിക്കുന്നത്. ശ്രീരാജ് രവീന്ദ്രന്‍ തന്നെയാണ് ഛായാഗ്രഹണം. എഡിറ്റര്‍ ഹരിലാല്‍ കെ രാജീവ്. നിധീഷ് നാടേരിയുടെയും വിനായക് ശശികുമാറിന്റെയും വരികള്‍ക്ക് ഈണം നല്‍കിയിരിക്കുന്നത് മുജീബ് മജീദ് ആണ്.
വിനോദ് ദിവാകര്‍-എക്‌സിക്യൂട്ടീവ് പ്രൊഡ്യൂസര്‍, ക്രീയേറ്റീവ് ഡയറക്ടര്‍-രാജേഷ് മാധവന്‍, സൗണ്ട്-നിക്‌സണ്‍ ജോര്‍ജ്, കലാസംവിധാനം-ഉല്ലാസ് ഹൈദൂര്‍. മേക്കപ്പ്-രഞ്ജിത്ത് മണലിപ്പറമ്പില്‍, വസ്ത്രാലങ്കാരം-മനു മാധവന്‍. സതീഷ് കുമാര്‍-കൊറിയോഗ്രാഫി, ഡിഐ-ആക്ഷന്‍ ഫ്രെയിംസ് മീഡിയ, വിഎഫ്എക്‌സ്-റാന്‍സ് വിഎഫ്എക്‌സ് സ്റ്റുഡിയോ, സിങ്ക് സൗണ്ട്-അമൃത് ശങ്കര്‍, ആദര്‍ശ് ജോസഫ് ചെറിയാന്‍.
സ്റ്റില്‍സ്-ബിജിത് ധര്‍മടം, ഡിസൈന്‍സ്-അഭിലാഷ് ചാക്കോ, സബ്ടൈറ്റില്‍സ്-സൗമ്യ വിദ്യാധര്‍, അനൂപ് വി ശൈലജ-ചീഫ് അസ്സോസിയേറ്റ് ഛായാഗ്രാഹകന്‍, അഡിഷണല്‍ സ്‌ക്രീന്‍പ്ലേ-ഫഹദ് നന്ദു, വിഷ്ണു ദേവ്, ശങ്കര്‍ ലോഹിതാക്ഷന്‍, അര്‍ജുന്‍ ബി, ഗണേഷ് വസിഷ്ഠ, ഗോകുല്‍നാഥ് എം-അസിസ്റ്റന്റ് ഡയറക്ടര്‍സ്. അലങ്കാര്‍ പാണ്ഡ്യന്‍സ് ഇന്‍വെനിയോ ഒറിജിന്‍ ആണ് ചിത്രം അവതരിപ്പിക്കുന്നത്.
