വിവാഹം കഴിഞ്ഞതോട് കൂടിയാണ് ഗായകൻ വിജയ് മാധവും സീരിയൽ നടി ദേവിക നമ്പ്യാരും യൂട്യൂബ് ചാനലിൽ സജീവമാകുന്നത്. മകൻ ആത്മജയ്‌ക്കൊപ്പം സന്തുഷ്‌ടമായ ദാമ്പത്യജീവിതം നയിക്കുകയായിരുന്നു താരങ്ങൾ. ഇപ്പോൾ ഇതാ രണ്ടാമതൊരു കുഞ്ഞിനെകൂടി സ്വീകരിക്കാൻ ഒരുങ്ങുകയാണ് താരങ്ങൾ.
റിയാലിറ്റി ഷോകളും സംഗീതവുമാണ് വിജയ് മാധവിനെ പ്രശസ്‌തനാക്കിയത്. സീരിയലുകൾ വഴിയാണ് ദേവിക നമ്പ്യാർ മലയാളികൾക്ക് സുപരിചിതയായത്. തങ്ങളുടെ വിശേഷങ്ങളും പാട്ടിൻ്റെ കവർ സോങുകളും മകൻ ആത്മജയുടെ വിശേഷങ്ങളുമെല്ലാം ഇരുവരും യുട്യൂബ് ചാനലിലൂടെ പ്രേക്ഷകരിലേക്ക് എത്തിക്കാറുണ്ട്. മകൻ ആത്മജയ്ക്ക് കൂട്ടായി ഒരു കുഞ്ഞ് കൂടി കുടുംബത്തിലേക്ക് വരാൻ പോകുന്നതിൻ്റെ സന്തോഷത്തിലാണ് ദേവികയും വിജയ്‌യും.
ഗർഭിണിയായശേഷം ദേവികയും വിജയിയും സ്ഥിരം യാത്രകളാണ്. ഇപ്പോഴിതാ വിജയ് മാധവ് പങ്കിട്ട പുതിയ റീൽ ആണ് ഇപ്പോൾ ശ്രദ്ധനേടുന്നത്. ആദ്യമായാണ് ഇത്തരമൊരു വീഡിയോ റീലാക്കി വിജയ് മാധവ് പങ്കുവെക്കുന്നത്. വീഡിയോ പുറത്ത് വന്നതിന് പിന്നാലെ കടുത്ത വിമർശനമാണ് വീഡിയോയ്ക്ക് ഉയരുന്നത്.
കരഞ്ഞുവിളിച്ച് അടുത്ത ട്രിപ്പ് തുടങ്ങി എന്നാണ് ദേവിയുടെ സെക്കൻ്റുകൾ മാത്രം ദൈർഘ്യമുള്ള വീഡിയോ പങ്കിട്ട് വിജയ് തലക്കെട്ടായി കുറിച്ചത്. വീഡിയോയിൽ യാത്രയ്ക്കിടെ ക്ഷീണിച്ച് അവശയായ ദേവിക ഛർദ്ദിക്കുന്നതാണ് വീഡിയോയിലുള്ളത്. അമ്മയുടെ അവസ്ഥ കണ്ട് ഒന്നര വയസുകാരൻ ആത്മജ കരയുന്നതും റീലിൽ കാണാം. കൂടാതെ ഇൻസ്റ്റഗ്രാമിൽ വീഡിയോ പങ്കിട്ടപ്പോൾ ഒരു സാഡ് ബിജിഎമ്മും വീഡിയോയ്ക്ക് ബാഗ്രൗണ്ട് മ്യൂസിക്കായി ചേർത്തിയിരുന്നു.
പാക്കിങ്ങൊക്കെ കഴിഞ്ഞ് രാത്രി നേരെ വൈകി കിടക്കുകയും നേരത്തെ എഴുന്നേൽക്കുകയും ചെയ്‌തതിന്റെ ഭാഗമായാണ് ഈ ഛർദ്ദിയെന്നും ദേവിക വീഡിയോയിൽ പറയുന്നുണ്ടായിരുന്നു. വീഡിയോ പുറത്ത് വന്നതിന് പിന്നാലെ വന്ന കമന്റുകൾ നിരവധിയാണ്. എന്തോ അത്യാഹിതം സംഭവിച്ചതുപോലെയുള്ള ഒരു മ്യൂസിക്ക് ആണെന്നാണ് ചിലർ കുറിച്ചത്.
ഇതൊക്കെ കുറച്ച് ഓവറാണ്. സന്തോഷത്തോടെ സേഫ് ആയിട്ട് ഇരിക്കൂ, എന്തിനാണ് ഇതൊക്കെ നാട്ടുകാരെ കാണിക്കുന്നത് എന്ന് മറ്റൊരാൾ കുറിച്ചു. എന്താണ് വിജയ് കാണിക്കുന്നത്. ഒരു ഗർഭിണി ഛർദ്ദിക്കുന്നത് റീൽസാക്കി ഇടാൻ മാത്രമുണ്ടന്ന് എനിക്ക് തോന്നിയില്ല. താങ്കൾ കുറച്ചു ബുദ്ധിയുള്ള യുട്യൂബറാണെന്ന് കരുതി, ഛർദിലും ഒരു അനുഗ്രഹം… അതും വീഡിയോയാക്കാൻ പറ്റിയല്ലേ… നമിച്ചു. അമ്മക്ക് പ്രസവവേദന.. മോൾക്ക് വീണവായനയെന്ന് കേട്ടിട്ടേ ഉള്ളൂ… ദാ ഇപ്പൊ കണ്ടു എന്നിങ്ങനെ ഉള്ള നിരവധി കമന്റുകളാണ് വീഡിയോയ്ക്ക് താഴെയായി പ്രത്യക്ഷപ്പെട്ടിട്ടുള്ളത്. അതേസമയം വിജയ് മാധവിനേയും ദേവിക നമ്പ്യാരെയും അനുകൂലിച്ചും നിരവധി പേർ വരുന്നുണ്ട്. അവരുടെ ഹെൽത്ത് നോക്കാൻ അവക്ക് അറിയാം, ബാക്കി ഉള്ളവർക്ക് എന്ത കുഴപ്പം എന്നാണ് ഒരാൾ കുറിച്ചിരിക്കുന്നത്.