ടിക്ടോക്ക് താരങ്ങളെ അണിനിരത്തി പ്രജിന്‍ പ്രതാപ് സംവിധാനം ചെയ്യുന്ന തല്ലുംമ്പിടി എന്ന സിനിമയുടെ ട്രെയിലര്‍ പുറത്തിറങ്ങി. ഫുക്രു ഉള്‍പ്പടെ ടിക്ടോക്കിലൂടെ പ്രശസ്തരായ പതിനഞ്ചോളം താരങ്ങളാണ് ചിത്രത്തില്‍ പ്രധാനവേഷത്തില്‍ എത്തുന്നത്. പി സിനിമാസിന്റെ ബാനറില്‍ സജിത അജിത്, സോണിയ മാനുവല്‍, ദിവ്യ വൃദി എന്നിവര്‍ ചേര്‍ന്നാണ് നിര്‍മ്മിക്കുന്നത്.
പ്രജിന്റെ ആദ്യ സംവിധാന സംരംഭമാണ് ഈ ചിത്രം. മലയാള സിനിമാ ചരിത്രത്തില്‍ തന്നെ ഇതാദ്യമായാണ് സോഷ്യല്‍ മീഡിയാ താരങ്ങള്‍ ബിഗ് സ്‌ക്രീനില്‍ എത്തുന്നതെന്ന് പ്രജിന്‍ പ്രതാപ് പറഞ്ഞു. ഫുക്രുവിനു പുറമേ ടിക്ക് ടോക്കിലെ താരങ്ങളായ റാഫി, പ്രബിന്‍, സന്ധ്യ തുടങ്ങിയവര്‍ ചിത്രത്തില്‍ പ്രധാന കഥാപാത്രങ്ങളാകുന്നു.
ഷിനൂബ് ആണ് ഛായാഗ്രഹണം. സംഗീതം സുമേഷ് പരമേശ്വരന്‍. ഗാനരചന അജീഷ് ദാസന്‍, സന്തോഷ് വര്‍മ്മ എന്നിവര്‍ നിര്‍വഹിക്കുന്നു.