2018 പ്രളയത്തെ ആസ്പദമാക്കി ജൂഡ് ആന്റണി ജോസഫ് ഒരുക്കുന്ന “2403 ഫീറ്റി”ല്‍ നടന്‍ ടൊവിനോ തോമസിനൊപ്പം “അമ്പിളി” ചിത്രത്തിലെ നായിക തന്‍വി റാമും എത്തുന്നുവെന്ന് റിപ്പോര്‍ട്ടുകള്‍. ചിത്രത്തിന്റെ ആദ്യ ഷെഡ്യൂള്‍ പൂര്‍ത്തിയാക്കിയതായും റിപ്പോര്‍ട്ടുകളുണ്ട്.
യഥാര്‍ഥ സംഭവങ്ങളെ കോര്‍ത്തിണക്കി കൊണ്ടുള്ള ചിത്രത്തിന്റെ തിരക്കഥ സംവിധായകന്‍ ജൂഡ് ആന്റണിയും “അലമാര”, “ആന്‍ മരിയ കലിപ്പിലാണ്” എന്നീ ചിത്രങ്ങളുടെ തിരക്കഥാകൃത്ത് ജോണ്‍ മാന്ത്രിക്കലും ചേര്‍ന്നാണ് ഒരുക്കുന്നത്. ജോമോന്‍ ടി ജോണ്‍ ആണ് ഛായാഗ്രഹണം നിര്‍വ്വഹിക്കുന്നത്.
മഹേഷ് നാരായണന്‍ ആണ് എഡിറ്റിങ്. ബിഗ് ബഡ്ജറ്റിലൊരുക്കുന്ന ചിത്രം ആന്റോ ജോസഫ് ഫിലിം കമ്പനിയാമ് നിര്‍മ്മിക്കുന്നത്. കുഞ്ചാക്കോ ബോബന്‍, ജയസൂര്യ, മഞ്ജു വാര്യര്‍, ഇന്ദ്രജിത്ത് തുടങ്ങി പ്രമുഖ താരങ്ങളും ചിത്രത്തിലെത്തുമെന്ന് റിപ്പോര്‍ട്ടുകളുണ്ടായിരുന്നു.