അന്താരാഷ്ട്ര ചലച്ചിത്ര പുരസ്‌കാര തിളക്കത്തില്‍ ടൊവിനോ തോമസ്. അന്താരാഷ്ട്ര ചലച്ചിത്ര പുരസ്‌കാരമായ സെപ്റ്റിമിയസ് അവാര്‍ഡ് നേടുന്ന ആദ്യ ദക്ഷിണേന്ത്യന്‍ താരമാണ് ടൊവിനോ തോമസ്. ജൂഡ് ആന്റണി ജോസഫ് സംവിധാനം ചെയ്ത 2018 എവരിവണ്‍ ഈസ് എ ഹീറോ എന്ന ചിത്രത്തിലെ അഭിനയത്തിന് മികച്ച ഏഷ്യന്‍ നടനുള്ള പുരസ്‌കാരത്തിനാണ് ടൊവിനോ അര്‍ഹനായത്. പുരസ്‌കാരം കേരളത്തിന് സമര്‍പ്പിച്ചുകൊണ്ട് താരം ഇന്‍സ്റ്റാഗ്രാമില്‍ സന്തോഷം അറിയിച്ചിട്ടുണ്ട്.
നെതര്‍ലാന്റിലെ ആംസ്റ്റര്‍ഡാമില്‍ എല്ലാ വര്‍ഷവും നടക്കുന്ന അന്താരാഷ്ട്ര ചലച്ചിത്ര പുരസ്‌കാര ചടങ്ങാണ് സെപ്റ്റിമിയസ് അവാര്‍ഡ്. ഏഷ്യ, ആഫ്രിക്ക, അമേരിക്ക, യൂറോപ്പ് എന്നിങ്ങനെ ഭൂഖണ്ഡങ്ങളുടെ അടിസ്ഥാനത്തില്‍ മികച്ച സിനിമ, അഭിനേതാവ്, അഭിനയത്രി തുടങ്ങിയ വിഭാഗങ്ങളിലായാണ് പുരസ്‌കാരം. ഇന്ത്യയില്‍ നിന്നുള്ള അഭിനേതാവ് ഭുവന്‍ ബാമും മികച്ച ഏഷ്യന്‍ നടനുള്ള നോമിനേഷന് ടൊവിനോ തോമസിനൊപ്പം ഇടം പിടിച്ചിരുന്നു.
View this post on Instagram
Read more
2018ല്‍ കേരളത്തിലുണ്ടായ പ്രളയത്തെ ആസ്പദമാക്കി പുറത്തിറങ്ങിയ ചിത്രമാണ് 2018 എവരിവണ്‍ ഈസ് എ ഹീറോ. മികച്ച ഏഷ്യന്‍ സിനിമ വിഭാഗത്തില്‍ ചിത്രം നോമിനേഷന് നേടിയിരുന്നു. 200 ക്ലബ്ബില്‍ ഇടംപിടിച്ച ആദ്യ മലയാള സിനിമ കൂടിയാണ് 2018. ചിത്രത്തില്‍ ടൊവിനോയെ കൂടാതെ കുഞ്ചാക്കോ ബോബന്‍, ആസിഫ് അലി, നരേന്‍, അപര്‍ണ ബാലമുരളി, അജു വര്‍ഗീസ് തുടങ്ങിയവരും വേഷമിട്ടിരുന്നു.
