ടൊവിനോ തോമസ് നായകനാകുന്ന “കള” ചിത്രത്തിന്റെ ട്രെയ്‌ലര്‍ ശ്രദ്ധേയം. “”ഫീല്‍ ബാഡ് ഫിലിം ഓഫ് ദ ഇയര്‍”” എന്ന ടാഗ്‌ലൈനോടെയാണ് ട്രെയ്‌ലര്‍ എത്തിയിരിക്കുന്നത്. അഡ്വഞ്ചേഴ്സ് ഓഫ് ഓമനക്കുട്ടന്‍, ഇബിലീസ് എന്നീ ചിത്രങ്ങള്‍ക്കു ശേഷം രോഹിത് വി.എസ് സംവിധാനം ചെയ്യുന്ന ചിത്രമാണ് കള.
ടൊവിനോയുടെ അത്യുഗ്രന്‍ ആക്ഷന്‍ ചിത്രങ്ങളിലൊന്നാകും ഇത്. സിനിമയുടെ ചിത്രീകരണത്തിനിടെ ടൊവിനോയ്ക്ക് പരിക്കേറ്റിരുന്നു. ആക്ഷന്‍ രംഗങ്ങള്‍ ചിത്രീകരിക്കുന്നതിനിടെ വയറിന് പരിക്കേല്‍ക്കുകയായിരുന്നു. ആഴ്ചകള്‍ നീണ്ട വിശ്രമത്തിന് ശേഷമാണ് താരം വീണ്ടും ഷൂട്ടിംഗിനെത്തിയത്.
രോഹിത്തിനൊപ്പം യദു പുഷ്പാകരനുമാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ഭാര്യയും, അച്ഛനും, കുട്ടിയുമടങ്ങുന്ന ഷാജി എന്ന കഥാപാത്രത്തിന്റെ വീട്ടില്‍ തുടര്‍ച്ചയായി നടക്കുന്ന സംഭവങ്ങളിലൂടെയാണ് ചിത്രം പുരോഗമിക്കുന്നത്. എ സര്‍ട്ടിഫിക്കറ്റാണ് ചിത്രത്തിന് ലഭിച്ചിരിക്കുന്നത്.
ചിത്രം ഇന്ന് തിയേറ്ററുകളിലേക്ക് എത്തുകയാണ്. ഒരു വര്‍ഷത്തിന് ശേഷം തിയേറ്ററിലെത്തുന്ന ടൊവിനോ ചിത്രമാണ് “കള”. ഫോറന്‍സിക് ആയിരുന്നു താരത്തിന്റെതായി ഒടുവില്‍ തിയേറ്ററിലെത്തിയത്. കിലോമീറ്റേഴ്‌സ് ആന്‍ഡ് കിലോമീറ്റേഴ്‌സ് ടെലിവിഷനില്‍ റിലീസ് ചെയ്യുകയായിരുന്നു.