ടോവിനോ പോലീസ് വേഷത്തിലെത്തുന്ന “കല്‍ക്കി”ക്കായി ആകാംഷാഭരിതമായ കാത്തിരിപ്പിലാണ് ആരാധകര്‍. മാസ് എന്റര്‍ടൈനറായി എത്തുന്ന ചിത്രത്തിനായി ടോവിനോയും, ശിവജിത്ത് പത്മനാഭനും ജിമ്മില്‍ നടത്തുന്ന കഠിനപ്രയത്‌നത്തിന്റെ വീഡിയോ ആണ് ഇതിനിടെ സോഷ്യല്‍ മീഡിയയില്‍ ചര്‍ച്ചയായിരിക്കുന്നത്. “ഹീറോ vs വില്ലന്‍” എന്ന തലക്കെട്ടോടെ ടോവിനോ തന്നെയാണ് വീഡിയോ പുറത്ത് വിട്ടിരിക്കുന്നത്.
സെക്കന്‍ഡ് ഷോ, കൂതറ, തീവണ്ടി എന്നീ ചിത്രങ്ങളുടെ ചീഫ് അസോഷ്യേറ്റായിരുന്ന പ്രവീണ്‍ പ്രഭാറാം ആദ്യമായി സംവിധാനം ചെയ്യുന്ന ചിത്രം കൂടിയാണിത്.സിനിമയ്ക്കു കല്‍ക്കി എന്ന പേര് നല്‍കിയതിനെ കുറിച്ച് സംവിധായകന്‍: “”വിഷ്ണുവിന്റെ അവതാരമാണ്, വിനാശത്തിന്റെ മുന്നോടിയായി പുരാണത്തില്‍ അവതരിപ്പിക്കപ്പെടുന്ന കല്‍ക്കി. ടൊവീനോയുടെ കഥാപാത്രവും ഈ പുരാണകഥാപാത്രവും തമ്മില്‍ ചില സാമ്യങ്ങളുണ്ട്.
ചിത്രത്തിന്റേതായി നേരത്തെ പുറത്തിറങ്ങിയ പോസ്റ്ററുകള്‍ക്ക് മികച്ച സ്വീകാര്യതയാണ് സോഷ്യല്‍ മീഡിയയില്‍ ലഭിച്ചത്. ലിറ്റില്‍ ബിഗ് ഫിലിംസിന്റെ ബാനറില്‍ പ്രശോഭ് കൃഷ്ണയ്‌ക്കൊപ്പം സുവിന്‍ കെ വര്‍ക്കിയും ചേര്‍ന്നാണ് ചിത്രം നിര്‍മ്മിക്കുന്നത്.ഗൗതം ശങ്കര്‍ ആണ് ഛായാഗ്രഹണം. സെന്‍ട്രല്‍ പിക്‌ചേഴ്‌സാണ് ചിത്രം വിതരണത്തിനെത്തിക്കുന്നത്.
Read more
https://www.facebook.com/ActorTovinoThomas/videos/514933629274732/
