സൗബിന്‍ ഷാഹിര്‍ ടൊവിനോ തോമസ് എന്നിവര്‍ കേന്ദ്ര കഥാപാത്രങ്ങളാകുന്ന മുഹ്സിന് പരാരി ചിത്രം “തല്ലുമാല” പ്രഖ്യാപിച്ചു.2020 റിലീസായി ഒരുക്കുന്ന ചിത്രം ഒപിഎം സിനിമാസിന്റെ ബാനറില്‍ ആഷിഖ് അബുവും റിമാ കല്ലിങ്കലും ചേര്‍ന്നാണ് ചിത്രം നിര്‍മ്മിക്കുന്നത്. ജിംഷി ഖാലിദ് ഛായാഗ്രഹണം നിര്‍വ്വഹിക്കുന്ന ചിത്രത്തിന് സുഷിന്‍ ശ്യാമാണ് സംഗീതമൊരുക്കുന്നത്.
ഉണ്ണി മുകുന്ദന്‍, ചാന്ദ്‌നി എന്നിവര്‍ പ്രധാന കഥാപാത്രങ്ങളായെത്തിയ “കെ എല്‍ 10″ന് ശേഷം മുഹ്സിന് സംവിധാനം ചെയ്യുന്ന രണ്ടാമത്തെ ചിത്രമാണ് തല്ലുമാല. സക്കറിയയുടെ “സുഡാനി ഫ്രം നൈജീരിയ”, ആഷിഖ് അബു ഒരുക്കിയ “വൈറസ്” എന്നീ ചിത്രങ്ങള്‍ക്ക് കഥ ഒരുക്കിയത് മുഹ്‌സിനും ചേര്‍ന്നായിരുന്നു.
എടക്കാട് ബറ്റാലിയന്‍ 06, കിലോമീറ്റേഴ്‌സ് ആന്‍ഡ് കിലോമീറ്റേഴ്‌സ്, മിന്നല്‍ മുരളി, ഫോറന്‍സിക്, എന്നിവയാണ് ടൊവീനോയുടെതായി ഒരുങ്ങുന്ന പുതിയ ചിത്രങ്ങള്‍. അതേസമയം ആന്‍ഡ്രോയ്ഡ് കുഞ്ഞപ്പന്‍ വേര്‍ഷന്‍ 5.25, ജാക്ക് ആന്‍ഡ് ജില്‍, ട്രാന്‍സ്, അരക്കള്ളന്‍ മുക്കാല്‍ കള്ളന്‍ എന്നിവയാണ് സൗബിന്റേതായി അണിയറയില്‍ ഒരുങ്ങുന്ന ചിത്രങ്ങള്‍.