മലയാളി പ്രേക്ഷകര്‍ ഒന്നടങ്കം ഏറ്റെടുത്ത സീരിയലാണ് “ഉപ്പും മുളകും”. ആയിരം എപ്പിസോഡ് പിന്നിട്ടതോടെ “ലെച്ചു”വിന്റെ വിവാഹം നടത്തിയിരുന്നു. ഇതോടെ ലച്ചുവിനെ അവതരിപ്പിച്ചു കൊണ്ടിരുന്ന ജൂഹി റുസ്തഗി ഷോയില്‍ നിന്നും പിന്‍മാറിയിരുന്നു. എന്നാല്‍ ബാലുവും നീലുവും അടക്കമുള്ള താരങ്ങളൊന്നും ഷോയില്‍ ഇല്ലേ എന്നാണ് ഇപ്പോള്‍ ആരാധകര്‍ ചോദിക്കുന്നത്.
അടുത്ത വര്‍ഷത്തോടെ വിവാഹം ഉണ്ടാവുമെന്നും പഠനം മുന്നോട്ട് കൊണ്ട് പോവണം എന്ന് പറഞ്ഞാണ് ജൂഹി ഉപ്പും മുളകില്‍ നിന്നും പിന്‍മാറിയത്. പിന്നീടുള്ള എപ്പിസോഡുകളില്‍ പാറുക്കുട്ടിയും അപ്രത്യക്ഷയായി. ഇതോടെ പാറുവും പോയോ എന്ന സംശയം ആരാധകര്‍ ഉയര്‍ത്തിയിരുന്നു. എന്നാല്‍ 1050 എപ്പിസോഡ് മുതല്‍ “പാറമട വീട്” തന്നെ കാണിച്ചില്ല. ബാലു, നീലു, മുടിയന്‍, കേശു, ശിവാനി ഒന്നും ഈ എപ്പിസോഡില്‍ ഉണ്ടായിരുന്നില്ല.
നീലുവിന്റെ അച്ഛന്‍, ബാലുവിന്റെ അമ്മ, ചന്ദ്രന്‍, സുരേന്ദ്രന്‍, കനകം, ശങ്കരണ്ണന്‍ എന്നിവര്‍ മാത്രമേ എപ്പിസോഡില്‍ ഉണ്ടായിരുന്നുള്ളു. കഴിഞ്ഞ എപ്പിസോഡുകളില്‍ ഇവരെ ചുറ്റിപറ്റിയായിരുന്നു കഥ. സാധാരണ ബാലുവിന്റെ കുടുംബത്തിലെ സന്ദര്‍ഭങ്ങള്‍ക്കിടയിലേക്കാണ് കനകവും ചന്ദ്രനും വരാറുള്ളത്. എന്നാല്‍ മുഴുനീളം ഇവരുടെ കഥയാണ് ഇപ്പോള്‍ കാണിക്കുന്നത്. ഇതോടെ ബാലുവും പിള്ളേരും ഒന്നിച്ച് പിന്മാറിയോ എന്ന സംശയമാണ് പ്രേക്ഷകര്‍ ഉയര്‍ത്തുന്നത്.