പ്രേക്ഷകരില്‍ നിന്നുയരുന്ന സമ്മിശ്ര പ്രതികരണങ്ങള്‍ക്കിടയിലും മികച്ച ബോക്‌സ് ഓഫിസ് പ്രകടനം കാഴ്ച്ചവെച്ച് മുന്നേറുകയാണ് വിജയ് ചിത്രം. ആദ്യ അഞ്ച് ദിവസം കൊണ്ട് ഈ ചിത്രം 150 കോടിക്ക് മുകളില്‍ ആഗോള കളക്ഷന്‍ ആയി നേടിയെന്ന് ചിത്രത്തിന്റെ നിര്‍മ്മാണ കമ്പനി ഔദ്ദ്യോഗികമായി പുറത്തുവിട്ടിരുന്നു.
നിലവില്‍ പുറത്തു വരുന്ന റിപ്പോര്‍ട്ടുകള്‍ പ്രകാരം ഈ ചിത്രം 175 കോടിയും പിന്നിട്ട കുതിക്കുകയാണ്. വീണ്ടും 200 കോടി ആഗോള ഗ്രോസ് എന്ന വമ്പന്‍ നേട്ടത്തിലേക്ക് ഒരു ദളപതി വിജയ് ചിത്രം എത്തുമോ എന്നറിയാനുള്ള ആകാംക്ഷയിലാണ് ആരാധകര്‍.
ഇന്ത്യയില്‍ നിന്ന് ആദ്യ അഞ്ച് ദിവസം കൊണ്ട് ഏകദേശം നൂറ് കോടിയോളമാണ് ഈ ചിത്രം നേടിയ കളക്ഷന്‍. അതില്‍ 65 കോടിയോളം രൂപ തമിഴ്‌നാട് നിന്ന് മാത്രമാണെന്നാണ് സൂചന. ആന്ധ്ര പ്രദേശ്, തെലുങ്കാന, കര്‍ണാടകം, കേരളം, റസ്റ്റ് ഓഫ് ഇന്ത്യ മാര്‍ക്കറ്റ് എന്നിവിടങ്ങളില്‍ നിന്ന് ഏകദേശം 35 കോടിയോളമാണ് വാരിസ് നേടിയത്.
ആദ്യ അഞ്ച് ദിവസത്തില്‍ വിദേശത്തുനിന്ന് ഈ ചിത്രം നേടിയത് ഏകദേശം അറുപത് കോടി രൂപയോളമാണ്. ഏതായാലും ബോക്‌സ് ഓഫീസില്‍ വമ്പന്‍ നേട്ടമാണ് ഈ വിജയ് ചിത്രം കൊയ്‌തെടുക്കുന്നത്. വംശി സംവിധാനം ചെയ്ത വാരിസ് ഒരു പക്കാ ഫാമിലി എന്റെര്‍റ്റൈനെര്‍ ആയാണ് ഒരുക്കിയിരിക്കുന്നത്.
ദില്‍ രാജു നിര്‍മ്മിച്ച ഈ ചിത്രത്തിന്റെ തെലുങ്ക് പതിപ്പും റിലീസ് ചെയ്തിട്ടുണ്ട്. രശ്മിക മന്ദാന നായികാ വേഷം ചെയ്ത വാരിസില്‍ ശരത് കുമാര്‍. ജയസുധ, ശ്യാം, ശ്രീകാന്ത്, യോഗി ബാബു, പ്രകാശ് രാജ് തുടങ്ങി ഒരു വലിയ താരനിരതന്നെ അഭിനയിച്ചിട്ടുണ്ട്.