നടന്‍ വിക്രമിന്റെ മകന്‍ ധ്രുവ് വിക്രമിന് സ്‌നേഹചുംബനം നല്‍കി വിജയ് സേതുപതി. തമിഴ് ചാനല്‍ അവാര്‍ഡില്‍ മികച്ച പുതുമുഖ നടനുള്ള പുരസ്‌കാരം ധ്രുവ് വിക്രമിനായിരുന്നു. വിജയ് സേതുപതിയാണ് പുരസ്‌കാരം സമ്മാനിച്ചത്. ഈ വേളയിലാണ് ധ്രുവിന് ഒരു ഉമ്മ നല്‍കുമോ എന്ന് അവതാരകര്‍ വിജയ് സേതുപതിയോട് ചോദിച്ചത്.
മടിച്ചു നിന്ന സേതുപതിയോട് “”സാര്‍ കൊടുങ്ക സാര്‍”” എന്ന് ധ്രുവ് പറഞ്ഞതോടെ ചുംബനം നല്‍കുകയായിരുന്നു. അദ്യ സിനിമയായ “ആദിത്യ വര്‍മ”യിലെ അഭിനയത്തിനായിരുന്നു ധ്രുവിന് പുരസ്‌കാരം ലഭിച്ചത്.
പത്ത് മാസത്തോളം സിനിമ പോലും വേണ്ടെന്നുവച്ച് കൂടെ നിന്ന അച്ഛന്‍ വിക്രത്തിനാണ് ഈ പുരസ്‌കാരം സമര്‍പ്പിക്കുന്നതെന്ന് ധ്രുവ് പറഞ്ഞു. കൂടെ വന്ന ചേച്ചി അക്ഷിതയ്ക്കു താരം നന്ദി പറഞ്ഞു.