കോവിഡ് റിലീസുകളില്‍ വളരെയധികം നിരൂപക പ്രശംസ നേടിയ ചിത്രമായിരുന്നു ഖാലിദ് റഹമാന്‍ സംവിധാനം ചെയ്ത “ലവ്”. ഷൈന്‍ ടോം ചാക്കോയും രജിഷ വിജയനും വേഷമിട്ട ചിത്രം മലയാളത്തിലെ ആദ്യത്തെ ബ്ലാക്ക് കോമഡി സൈക്കോളജിക്കല്‍ വിഭാഗത്തിലുള്ള സിനിമയായിരുന്നു.
ലവിന് തമിഴ് പതിപ്പ് ഒരുങ്ങുകയാണ്. തമിഴ് റീമേക്കില്‍ വിജയ് സേതുപതി നായകനാകും. മുന്‍നിര അഭിനേതാക്കളും ചിത്രത്തിന്റെ ഭാഗമാകും. ലോക്ഡൗണ്‍ കാലത്ത് ചിത്രീകരിക്കപ്പെട്ട ചിത്രം നമുക്കിടയില്‍ തന്നെയുള്ള പല കുടുംബങ്ങളിലും നടക്കുന്ന ഡൊമസ്റ്റിക്ക് വയലന്‍സാണ് പ്രമേയം ആക്കിയിരുന്നത്.
ഒരു ഫ്‌ളാറ്റും അവിടെ നടക്കുന്നൊരു കൊലപാതകവുമാണ് ചിത്രത്തിലൂടെ സംവിധായകന്‍ പറയുന്നത്. അനൂപ്- ദീപ്തി ദമ്പതികളുടെ ജീവിതവും അവര്‍ക്കിടയില്‍ നടക്കുന്ന അപ്രതീക്ഷിത സംഭവവികസങ്ങളിലൂടെയുമാണ് കഥ വികസിക്കുന്നത്. സുധി കോപ്പ, ഗോകുലന്‍, വീണ നന്ദകുമാര്‍, ജോണി ആന്റണി എന്നിവരായിരുന്നു മറ്റ് പ്രധാന അഭിനേതാക്കള്‍.
ചിത്രത്തിന്റെ ക്ലൈമാക്‌സ് രംഗം മാത്രമാണ് ഔട്ട്‌ഡോറില്‍ ഷൂട്ട് ചെയ്തത്. ബാക്കി രംഗങ്ങളെല്ലാം ഒരു ഫ്‌ളാറ്റിനുളളിലാണ് നടക്കുന്നത്. കോവിഡ് ലോക്ഡൗണില്‍ പരിമിതമായ സാഹചര്യങ്ങള്‍ക്കുള്ളില്‍ ചിത്രീകരിച്ച സിനിമ കൂടിയായിരുന്നു ലവ്.
